गया ( बिहार ) : मोठे इनाम असलेला माओवादी नेता संदीप यादव याचा मृत्यू झाला ( Maoist Sandeep Yadav Died ) आहे. बिहारमधील गया जिल्ह्यातील लुटुआ पोलिस स्टेशन अंतर्गत जंगलात त्याचा मृतदेह आढळून आला. 84 लाखांचे बक्षीस असलेला माओवादी संदीप याच्यावर विषप्रयोग झाल्याने त्याचा मृत्यू झाल्याची शक्यता व्यक्त होत ( Poisoning of Naxalite leader ) आहे. संदीप कुमार उर्फ विजय यादव (५५ वर्षे) हा बांके बाजार ब्लॉकमधील बाबुराम देह गावचा रहिवासी होता. त्याची पत्नी शिक्षिका आहे.
500 नक्षलवादी गुन्हे दाखल: बिहार, झारखंड, छत्तीसगड, ओरिसा, पश्चिम बंगाल, आंध्र प्रदेश यासह अनेक राज्यांमध्ये त्याच्यावर जवळपास 500 नक्षलवादी गुन्हे दाखल आहेत. मिळालेल्या माहितीनुसार, वेगवेगळ्या राज्यांच्या पोलिसांनी ठेवलेली बक्षिसे जोडली तर त्याच्यावर 84 लाखांचे बक्षीस ठेवलेले होते. जवळपास 3 दशके बिहार, झारखंडसह विविध राज्यांमध्ये विध्वंसक हल्ले त्याने केले आहेत. बिहारमध्ये त्याच्यावर 100 हून अधिक गुन्हे दाखल आहेत.
बॉम्बस्फोटात जखमी : संदीप यादव हा मूळचा गया जिल्ह्यातील बांके बाजार ब्लॉकमधील बाबू राम देह गावचा रहिवासी होता. तो लहानपणापासूनच नक्षलवादी संघटनेत सामील झाला होता. सामील झाल्यानंतर त्यांनी सीपीआय-माओवादीच्या बॅनरखाली एकापेक्षा जास्त हृदय पिळवटून टाकणारे नक्षलवादी हल्ले त्याने घडवून आणले. त्याच्या हल्ल्यात अनेक पोलिसांना जीव गमवावा लागला आहे. यापूर्वी झालेल्या बॉम्बस्फोटात तो जखमी झाला होता. तेव्हापासून तो खूप घाबरला होता.
"संदीप कुमार उर्फ विजय यादव यांच्या मृत्यूची माहिती मिळाली आहे. आजारपणामुळेच त्यांचा मृत्यू झाल्याच्या बातम्या येत आहेत. या प्रकरणाची कसून पडताळणी केली जात आहे. पोलीस आणि सुरक्षा कर्मचारी या प्रकरणाच्या कार्यवाहीत गुंतले आहेत.” - हरप्रीत कौर, एसएसपी, गया
ED ने मालमत्ता जप्त केली: 2018 मध्ये देशात पहिल्यांदाच ED ने संदीप यादव या नक्षलवादी नेत्यावर कारवाई केली होती. अंमलबजावणी संचालनालयाच्या पथकाने नक्षलवादी संदीप यादव उर्फ विजय यादव उर्फ रूपेश याची ८६ लाख रुपयांची स्थावर आणि जंगम मालमत्ता जप्त केली होती. जप्त केलेल्या मालमत्तेतील प्लॉट आणि फ्लॅटची किंमत अंदाजे 50 लाख रुपये आहे. ईडीने बिहारमधील गया आणि औरंगाबाद भागातून ही जप्ती केली आहे.
