आज 'या' घडामोडींवर असणार खास नजर
राज्यातील कायदा व सुव्यवस्थेच्या विरोधकांच्या प्रस्तावाला गृहमंत्री अनिल देशमुख आज प्रत्युत्तर देतील.
आज होणार अर्थसंकल्पावर चर्चा
राज्याचे उपमुख्यमंत्री आणि अर्थमंत्री अजित पवार यांनी महाविकासआघाडी सरकारचा दुसरा आणि कोरोना काळानंतरचा पहिला अर्थसंकल्प आज विधानसभेत मांडला. त्यामुळे या अर्थसंकल्पावर मोठी चर्चा सध्या सुरू झाली आहे.
पुणे भोसरी येथील जमीन घोटाळ्याप्रकरणी आज सुनावणी
पुणे भोसरी येथील जमीन घोटाळ्याप्रकरणी माजी मंत्री एकनाथ खडसे यांच्याविरूद्ध अंजली दमानिया यांनी दाखल केलेल्या याचिकेवर आज सुनावणी होणार आहे.
आज विधानभवनात याबाबत काँग्रेसची बैठक आहे
विधानसभा अध्यक्षपदावरून महाविकास आघाडीतील मतभेद पुन्हा एकदा समोर आले आहेत. आज विधानभवनात याबाबत काँग्रेसची बैठक आहे.
नाशिक जिल्ह्यात आजपासून अंशत: लॉकडाऊन
जीवनावश्यक वस्तू, मेडिकल व रुग्णालये वगळता सायंकाळी ७ ते सकाळी ७ या वेळेत सर्व दुकाने बंद ठेवण्याचे आदेश जारी करण्यात आले आहे. तसेच धार्मिक, राजकीय व सामुदायिक सोहळयांवर पूर्णपणे बंदी घालण्यात आली आहे. आज मध्यरात्रीपासून हे आदेश शहर व जिल्ह्यासाठी अनिश्चित कालावधीसाठी लागू राहतील.
बंगालः मुख्यमंत्री ममता बॅनर्जी उद्या नंदीग्राम येथे जातील, १० मार्चला उमेदवारी घोषित करतील.
आजपासून संसदेत सामान्य कामकाज, लोकसभा-राज्यसभेत कोरोना पूर्वीसारखे होईल काम.
पंतप्रधान मोदी आज भारत आणि बांगलादेश यांच्यातील ‘फ्रेंडशिप ब्रिज’ चे उद्घाटन करणार आहेत.
हा ब्रिज बांगलादेशच्या मध्यभागी फेनी नदीवर बांधला आहे. व्हिडिओ कॉन्फरन्सिंगद्वारे पंतप्रधान मोदी या कार्यक्रमात सामील होतील.
दिल्लीः टूलकिट प्रकरणातील आरोपी निकिता जेकब याच्या जामीन अर्जावर आज सुनावणी
अभिनेता दर्शील सफारीचा आज वाढदिवस
दर्शील सफारी हा बॉलिवूड चित्रपटांमध्ये काम करणारा एक पुरस्कारप्राप्त अभिनेता आहे. 2007 मध्ये त्याने 'तारे जमीन पर' या चित्रपटात डिस्लेक्सिक मुलाची भुमिका केली होती.
