बेंगळुरू: बेंगळुरू मध्ये एका युवकाच्या प्रेयसीने तो वापरत असलेल्या ड्रग्जची माहिती पोलिसांना दिल्याने संतापलेल्या तरुणाने तिची दुचाकी पेटवून दिली. (Man Burned Girlfriend Bike in Bengaluru). आरोपीला आता अटक करण्यात आली आहे. पोलिसांनी सांगितले की, 12 डिसेंबर रोजी घडलेल्या या घटनेनंतर युवक घटनास्थळावरून फरार झाला होता. (Burned Girlfriend Bike after released from jail).
जामिनावर बाहेर आल्यानंतर पेटवली दुचाकी : आरोपी युवक आणि युवतीचे तीन वर्षांपासून प्रेमसंबंध होते. मात्र तो अंमली पदार्थांच्या व्यापारात गुंतला होता. हे कळल्यावर युवतीने त्याला बदलण्याचा प्रयत्न केला. मात्र तो बदलला नाही. त्यामुळे तिने शेवटी पोलिसांना कळवले. त्यानंतर माडीवाला पोलिसांनी युवकाला ड्रग्ज तस्करीच्या आरोपाखाली अटक केली. आठ महिन्यांनंतर जामिनावर बाहेर आलेल्या युवकाला आपल्या अटकेला आपली प्रेयसीच जबाबदार असल्याचे समजल्यानंतर त्याने तिच्या घरी जाऊन तिची स्कूटर पेटवून दिली. हालसूर पोलिसांनी गुन्हा दाखल करून आरोपीला अटक केली आहे.
