फिरोजाबाद : आसाममधील एका तरुणीसोबत प्रेम, सेक्स आणि फसवणुकीच्या ( Love, Sex, and Dhokha ) घटना समोर आल्या आहेत. पीडितेच्या तक्रारीवरून मंगळवारी फिरोजाबादमधील जसराना पोलिस ठाण्यात आरोपीविरुद्ध एफआयआर दाखल करण्यात आला. तरुणाने सोशल मीडियाच्या माध्यमातून तिच्याशी मैत्री केली आणि लग्नाच्या बहाण्याने तिच्यावर अनेक दिवस बलात्कार केल्याचा ( Young Woman Raped Several Days ) आरोप पीडितेने केला आहे. आरोपीने आपली ओळख पोलिस उपनिरीक्षक असल्याची दिली होती. ही तरुणी आसाममधील रहिवासी आहे.
फिरोजाबादमधील जसराना पोलीस ठाण्याच्या मोहल्ला जटवान टिकैतपुरा येथील रहिवासी राम सिंह यांचा मुलगा रोहित चौहान सोशल मीडियाच्या माध्यमातून तरुणीच्या संपर्कात आला. त्याने स्वत:ची ओळख नोएडा येथे पोलीस अधिकारी असल्याची दिली होती. तरुणी आरोपीच्या प्रेमात पडली आणि 9 जून रोजी विमानाने दिल्लीला पोहोचली. पोलीस ठाण्यात दाखल केलेल्या तक्रारीनुसार, मुलगी दिल्लीला आली तेव्हा तिच्याकडे रोख रक्कम आणि दागिने होते. ते आरोपी रोहितने हिसकावून घेतले आणि दिल्लीतील पहाडगंज परिसरातील हॉटेलमध्ये अनेक दिवस तिच्यावर बलात्कार केला. ( Young Woman Raped Several Days )
यानंतर आरोपीने तिला फिरोजाबाद येथील हॉटेलमध्ये आणले. तेथेही मुलीवर बलात्कार करण्यात ( Assam girl raped in firozabad ) आला. आरोपीने मुलीला जसराणा येथील रिकाम्या घरातही ठेवले होते. यानंतर 7 ऑगस्ट रोजी ती आरोपीच्या तावडीतून कशीतरी सुटली आणि जसराणा पोलीस ठाणे गाठून तिने पोलिसांना आपल्यावर घडलेली प्रसंग सांगितला. जसराना प्रभारी निरीक्षक आझाद पाल सिंह यांनी सांगितले की, पीडितेच्या तक्रारीवरून एफआयआर नोंदवून आरोपीचा शोध सुरू करण्यात आला आहे. यासोबतच पीडितेच्या नातेवाईकांनाही माहिती देण्यात आली आहे.
हेही वाचा - शेजाऱ्याने युवतीला 2 लाखांना विकले.. जबरदस्तीने लावले लग्न.. दोन महिने ओलीस ठेवत केला बलात्कार
