बेंगळुरू : रविवारी कर्नाटकच्या नोकरशाही वर्तुळात मोठी उलथापालथ घडली. आयपीएस अधिकारी डी रूपा मौदगील आणि आयएएस अधिकारी रोहिणी सिंधुरी यांच्यातील वाद उघडपणे समोर आला. आयपीएस मौदगील यांनी रोहिणी सिंधुरी यांच्यावर भ्रष्टाचाराचा आरोप केल्याच्या एका दिवसानंतर, त्यांनी काही छायाचित्रे प्रसिद्ध केली. या मध्ये रूपा मौदगील यांनी दावा केला आहे की, ही छायाचित्रे सिंधुरी यांनी 3 पुरुष आयएएस अधिकाऱ्यांना पाठवली होती. रुपा मौदगील यांनी शनिवारी सिंधुरी यांच्यावर भ्रष्टाचाराचे १९ आरोप केले होते.
कायदेशीर कारवाईची धमकी : एका वृत्तसंस्थेच्या वृत्तानुसार, रोहिणी सिंधुरी यांनी रविवारी दिलेल्या निवेदनात म्हटले होते की, रूपा मौदगील ह्या त्यांच्या विरोधात खोटी आणि वैयक्तिक निंदा मोहीम चालवत आहेत. ही त्यांची काम करण्याची पद्धत आहे. रोहिणी सिंधुरी म्हणाल्या की, 'त्यांच्या कृत्यांबद्दल मी भारतीय दंड संहितेच्या विविध कलमांखाली योग्य अधिकाऱ्यांमार्फत कायदेशीर कारवाई करेल. रोहिणी सिंधुरी म्हणाल्या की, रूपा यांनी माझी बदनामी करण्यासाठी माझ्या सोशल मीडियावरून फोटो आणि माझ्या व्हॉट्सअ‍ॅप स्टेटसचे स्क्रीनशॉट्स गोळा केले. सिंधुरी म्हणाल्या की, त्यांच्यावर आरोप होत असल्याने मी ही छायाचित्रे काही अधिकाऱ्यांना पाठवली आहेत. ती नावे जाहीर करावीत असा माझा आग्रह आहे.
मुख्यमंत्री बोम्मई म्हणतात : या प्रकरणावर कर्नाटकचे मुख्यमंत्री बसवराज बोम्मई यांनी ही त्या दोघींची वैयक्तिक बाब असल्याचे म्हटले आहे. रविवारी आपल्या फेसबुक पेजवर रोहिणी सिंधुरीचे 7 फोटो शेअर करताना आयपीएस रूपा यांनी आरोप केला होता की, आयएएस सिंधुरी यांनी तीन पुरुष आयएएस अधिकाऱ्यांसोबतचा तिचा फोटो शेअर केला होता. त्या म्हणाले की, कायद्यानुसार अशी छायाचित्रे सोशल मीडियावर शेअर करणे गुन्हा आहे.
पृथ्वी शॉ विरोधात सपना गिलचा दावा : टीम इंडियाचा क्रिकेटर पृथ्वी शॉसोबत झालेल्या भांडणप्रकरणी कोर्टाने सोशल मीडियावर स्टार सपना गिलला पोलिस कोठडी सुनावली आहे. पृथ्वीने मद्यधुंद अवस्थेत छातीवर वार केल्याचे सपनाचे म्हणणे आहे. पृथ्वी शॉ हा सपनाला मारण्याचा प्रयत्न करत होता मात्र सपना त्याच्यापासून सुटण्यासाठी धडपडत होती, असा युक्तिवाद सपनाच्या वकिलाने केला आहे. तर दुसरीकडे सपना गिलने दावा केला आहे की, पृथ्वी शॉ आणि त्याच्या मित्रांनी तिची माफी मागत पोलिसात तक्रार न करण्याची विनंती केली आहे.
हेही वाचा : Prithvi Shaw Selfie Controversy : 'पृथ्वीने नशेत माझ्या छातीवर मारले', सेल्फी वादावर सपनाचे वक्तव्य
