मंगळुरू (कर्नाटक): भाजप युवा मोर्चाचे कार्यकर्ता प्रवीण कुमार नेत्तारे यांच्या हत्येप्रकरणी कर्नाटक पोलिसांनी तीन आरोपींना अटक केली आहे. शिहाब, बशीर आणि रियाज अशी १५ दिवसांपासून फरार झालेल्या आरोपींची नावे आहेत. मारेकऱ्यांना मदत आणि आश्रय दिल्याच्या आरोपावरून पोलिसांनी यापूर्वी सात जणांना अटक केली होती. ( BJP Activist Murder Case ) ( POLICE ARREST THREE KILLERS ) ( BJP Yuva Morcha activist Praveen Kumar Nettare )
२६ जुलै रोजी प्रवीणची हत्या झाली होती. मारेकरी दोन दुचाकीवरून आले होते. मारेकऱ्यांना पकडण्यासाठी पोलिसांनी सहा विशेष पथके तयार केली होती. मारेकऱ्यांनी आश्रय घेतलेल्या ठिकाणी पोलिसांच्या पथकांनी छापा टाकून त्यांना पकडले.
तीनही आरोपी स्थानिक असून प्रवीणची हत्या करणाऱ्या अन्य आरोपींचा शोध सुरू असल्याचे पोलिस सूत्रांनी सांगितले. कर्नाटक पोलिसांनी आरोपींची मालमत्ता जप्त करण्याची प्रक्रिया सुरू केली आहे. अतिरिक्त डीजीपी आलोककुमार म्हणाले होते की, आरोपींची मालमत्ता जप्त करण्याची प्रक्रिया सुरू आहे. ते म्हणाले की, पोलीस राष्ट्रीय गुप्तचर संस्थेसह (एनआयए) आरोपींची मालमत्ता जप्त करणार आहेत.
आलोक कुमार म्हणाले होते की, या प्रकरणातील मुख्य आरोपींना लपून आश्रय दिला जात आहे. काही आरोपींचे पीएफआयशी संबंध असल्याचेही आलोक कुमार म्हणाले होते.
26 जुलै रोजी भाजप कार्यकर्ता प्रवीण कुमार नेततारे यांच्यावर बाईकवरून आलेल्या हल्लेखोरांनी दक्षिण कन्नड जिल्ह्यातील बेल्लारे शहरात चिकनच्या दुकानासमोर हल्ला करून त्यांची हत्या केली होती. प्रवीणच्या हत्येनंतर मुख्यमंत्री बसवराज बोम्मई यांनी त्यांच्या वर्षपूर्तीचे सोहळे रद्द केले. त्यांनी नेत्तर यांच्या कुटुंबीयांची भेट घेतली आणि सरकारकडून नुकसानभरपाई म्हणून 25 लाख रुपयांचा धनादेश दिला. पक्षाने 25 लाख रुपये वेगळे दिले होते.
या घटनेनंतर भाजप कार्यकर्त्यांच्या निषेधाची प्रक्रिया राज्यभर सुरू झाली. आंदोलकांनी गृहराज्यमंत्री अरगा ज्ञानेंद्र यांच्या निवासस्थानाला घेराव घातल्याने सत्ताधारी पक्षाची मोठी कोंडी झाली. हलाल मांसाविरोधात मोहीम सुरू करण्यासाठी नेत्तर यांना लक्ष्य करण्यात आल्याचे तपासात समोर आले आहे.
हेही वाचा : उदयपूर हत्याकांडाचा निषेध केला म्हणून कर्नाटकातील भाजप नेत्याची हत्या, तपासात उघड
