बेंगळुरू: बॉलीवूड अभिनेता अजय देवगणने हिंदी ही देशाची राष्ट्रभाषा असल्याच्या वक्तव्याविरोधात कन्नड संघटनांनी गुरुवारी येथे आंदोलन ( Kannada organizations protest against Ajay Devgn ) केले. कर्नाटक रक्षण वेदिका प्रवीण शेट्टी गटाने बेंगळुरूमधील म्हैसूर बँक सर्कल येथे आंदोलन केले आणि अभिनेत्याच्या विरोधात घोषणाबाजी ( kichcha sudeep and Ajay Devgn language row ) केली.
आंदोलनापूर्वी पोलिसांची कोणतीही परवानगी न घेतल्याने आंदोलकांना ताब्यात घेण्यात आले. स्थानिक प्रादेशिक भाषांचा अपमान करणारे हिंदीत ट्विट केल्याबद्दल त्यांनी अभिनेत्यावर टीका केली. आंदोलकांनी अजय देवगणचे फोटो फडकावले आणि त्याच्या विरोधात घोषणाबाजी केली. हिंदी लादण्यासाठी उत्तर भारतीय वारंवार कर्नाटकातील लोकांना चिथावणी देत असल्याचे आंदोलकांनी सांगितले.
एक आंदोलक म्हणाला, हिंदी चित्रपट कन्नड लोक बघायला जातात आणि ज्या काळात कन्नड चित्रपट उद्योग वाढत आहे, तो खपवून घेतला जात नाही. कर्नाटक रक्षण वेदिकाचे अध्यक्ष टी.ए.नारायण गौडा म्हणाले की, संविधानात हिंदी भाषेला दिलेल्या महत्त्वामुळे हिंदी भाषिक लोकांमध्ये इतर भाषांबाबत सरंजामी वृत्ती निर्माण झाली आहे. बॉलीवूड अभिनेता अजय देवगणचे विधान हे हिंदी सरंजामशाहीचे प्रतीक आहे. घटनेतील हिंदीला महत्त्व देणाऱ्या तरतुदी काढून टाकाव्या लागतील, अन्यथा हिंदी भाषिकांची ही सरंजामी वृत्ती संपणार नाही. प्रादेशिक भाषांवर त्यांचे प्रभुत्व असेल.
