नवी दिल्ली: नोंदणीकृत परंतु मान्यता नसलेले राजकीय पक्ष RUPP आणि त्यांच्या कथित 'निधी' विरुद्ध करचुकवेगिरीच्या चौकशीचा भाग म्हणून आयकर विभागाने बुधवारी अनेक राज्यांमध्ये छापे it raids at more than 100 places across country टाकले. अधिकृत सूत्रांनी ही माहिती दिली. गुजरात, दिल्ली, उत्तर प्रदेश, महाराष्ट्र, हरियाणा आणि इतर काही राज्यांमध्ये छापे टाकण्यात येत असल्याचे त्यांनी सांगितले. सूत्रांनी सांगितले की आयकर विभागाने नोंदणीकृत परंतु मान्यता नसलेले राजकीय पक्ष, त्याच्या संलग्न संस्था, ऑपरेटर आणि इतरांविरुद्ध समन्वित कारवाई सुरू केली आहे.
निवडणूक आयोगाच्या ( EC ) शिफारशीवरून विभागाने ही कारवाई अचानक केल्याचे मानले जात आहे. आयोगाने नुकतेच भौतिक पडताळणीनंतर RUPP च्या यादीतून 87 संस्था काढून टाकल्या आहेत. निवडणूक आयोगाने जाहीर केले की ते नियम आणि निवडणूक संबंधित कायद्यांचे उल्लंघन केल्याबद्दल 2,100 मान्यता नसलेल्या नोंदणीकृत राजकीय पक्षांवर कारवाई करत आहेत. यामध्ये निधीशी संबंधित माहिती न देणे, आर्थिक योगदान देणाऱ्यांचे पत्ते आणि पदाधिकाऱ्यांची नावे जाहीर न करणे यांचा समावेश आहे. काही पक्ष 'गंभीर' आर्थिक गैरव्यवहारातही गुंतलेले आढळले आहेत.
सूत्रांनी दिलेल्या माहितीनुसार छत्तीसगडमधील मध्य प्रदेश झोनच्या आयटी पथकाने आज पहाटे रायपूर, रायगड आणि खरसिया येथील अनेक व्यापाऱ्यांवर छापे टाकले. या प्रकरणी सविस्तर वृत्ताची प्रतीक्षा आहे. आतापर्यंत मिळालेल्या माहितीनुसार, सुनील रामदास कुटुंबीयांचे निवासस्थान, कार्यालय व कारखाना एसकेए स्टील बिरगाव, लभंडी कार्यालय- सुनील अग्रवाल, सुशील अग्रवाल, अनिल अग्रवाल यांचे निवासस्थान- लविस्ता, ऐश्वर्या किंगडम आणि रायगडची फ्रेंड्स कॉलनी, मुकेश अग्रवाल कंत्राटदार खरसिया, श्री नटवर प्रकल्प, श्री. रायगड निवास कन्स्ट्रक्शन कंपनी (जुदेव जवळ) उर्दाना - कोळसा वाहतूक कार्य, आकाश जिंदाल रायगड, अमोलक भाटिया यांचे निवासस्थान- बिलासा कटोरा तालाब रायपूर, आरके गुप्ता-ऐश्वर्या किंगडम रायपूर, सीए अनिल अग्रवाल आदींच्या कार्यालयांवर छापे टाकल्याचे वृत्त आहे.
