हैदराबाद - 17 जुलै 1911 तिरुनलवेलीचे तत्कालिन जिल्हाधिकारी अॅश ( Trinunelvelli Collector Ash Killed By Vanchinathan ) आणि त्यांची पत्नी मॅरी कोडाईकनाल येथे शिकत असलेल्या आपल्या मुलांना भेटण्यासाठी जात होते. बोट मेलला जोडण्यासाठी त्यांचा विशेष प्रथम श्रेणीचा कोच मनियाची जंक्शनवर ( Maniachi Junction ) उभा होता. जिल्हाधिकाऱ्यांचे गार्ड पाणी आणण्यासाठी गेले. तेवढ्यात एका अनोळखी तरुणाने डब्यात घुसून अॅशवर गोळी झाडली आणि आपल्या पत्नीसोबत गप्पा मारणारा अॅश खाली कोसळला. त्यानंतर अॅशवर गोळी झाडणाऱ्या तरुणानानेही रेल्वे स्टेशनच्या स्वच्छतागृहाजवळ जाऊन स्वत:वर ( Vanchinathan Suicide At Maniachi Junction ) गोळी झाडली. ब्रिटीश सरकारमधील प्रशासकीय अधिकारी रॉबर्ट विल्यम डी एस्कॉर्ट अॅश वर गोळी झाडणाऱ्या 25 वर्षीय तरुणाचं नाव होतं वंचीनाथन. भारतावर राज्य करणाऱ्या ब्रिटीशांपेक्षा भारतीयांची संख्या जास्त होती. त्यामुळे वंचिनाथन सारख्या अनेक तरुणांना वाटायचं की, प्रत्येक भारतीयाने स्वतःचा जीव देण्यापूर्वी किमान एका इंग्रजांला गोळ्या घातल्यास, भारताला ब्रिटीशांच्या गुलामगिरीतून मुक्त करता येईल. स्वातंत्र्यसैनिक सुब्रम्हन्यम शिवा आणि व्हीओ चिदंबरम पिल्लई यांच्या अटकेनंतर झालेल्या नेल्लई उठावा दरम्यान अॅशला मारण्याचा निर्णय घेण्यात आला होता.
अॅशला मारण्याची घेतली होती शपथ -
वंचिनाथन यांचे शालेय शिक्षण त्यांच्या मूळ गावी सेनगोटाई येथून झालं तर महाविद्यालयीन शिक्षण तिरुवनंतपुरम येथून झालं. स्वातंत्र्य चळवळीत सहभागी होण्यासाठी त्यांनी वनरक्षकाची नोकरीही सोडली होती. त्यासाठी वंचिनाथन यांनी क्रांतीकारी मार्ग निवडला होता. तसेच वंचिनाथन यांनी व्हीव्हीएस अय्यर यांच्या भारत माता संस्थेमार्फत शस्त्र प्रशिक्षण घेतले होते. स्वातंत्र्याची आंदोलने जोर धरत असताना नुकताच तिरुनलवेलीचे कलेक्टर म्हणून नियुक्त झालेले अॅश, स्वातंत्र्यांची ही आंदोलन दाबण्याचा प्रयत्न करत होते. व्ही.ओ. चिदंबरम यांच्या स्टीम नेव्हिगेशन कंपनीवर आणलेली बंदी, हा त्यापैकीच एक प्रयत्न होता. त्यामुळे संतप्त झालेल्या वंचिनाथन यांनी अॅशला मारण्याची शपथ घेतली. वंचिनाथन हे घरी कमी आणि स्वातंत्र्यलढ्यात जास्त राहत होते. यादरम्यान त्यांची ओळख नीलकंदा ब्रह्मचारी यांच्याशी झाली. पुढे त्यांनी भारतमाता नावाची संघटना स्थापन केली. त्यांनी गुप्त बैठका घेतल्या आणि 9 मार्च रोजी विपिन चंद्रपालची सुटका करण्याची शपथ घेतली. वंचिनाथन यांनी 1907 ते 1911 दरम्यान ब्रिटीशांविरुद्ध लढा दिला.
मृतदेह स्विकारण्यास वडिलांचा नकार -
अॅशला मारण्याचा उद्देश सनातनी धर्माचं रक्षण होता, असं त्यांनी त्यांच्या सुसाईट नोटमध्ये लिहीलं होतं. 'इंग्रजांनी आपली राष्ट्र बळकावली आहेत. सनातन धर्म पायदळी तुडवला आहे. आपण इंग्रजांना हद्दपार करून सदाचार आणि स्वातंत्र्य प्रस्थापित केले पाहिजे. गोमांस खाणाऱ्या जॉर्जचा राज्याभिषेक व्हावा, या उद्देशानं मोठे प्रयत्न सुरू आहे. तो आपल्या देशात उतरताच त्याला मारण्यासाठी आम्हा ३ हजार मद्रासींना प्रशिक्षित केले आहे. त्या सर्वांमध्ये मी सर्वात लहान होतो, असेही त्यांनी सुसाईड नोटमध्ये लिहिलं होते. दरम्यान, वंचिनाथन यांनी अॅशची हत्या केली. त्यानंतर त्याचं कुटुंब अतिशय दु:खात होते. वंचिनाथन वडील रघुपती यांना ब्रिटीशांनी वंचिच्या मृतदेहाची ओळख पटवण्यासाठी नेले होते. प्रथम कोणी गोळी झाडली, हे त्यांना समजले नाही आणि नंतर त्यांनी वंचिचे वडील आणि आजोबांच्या मदतीने त्यांचा मृतदेह ओळखला. वंचिच्या वडिलांनी त्याचा मृतदेह घेण्यासही नकार दिला होता.
..म्हणून झाले 'वंची मनियाची' नामकरण -
वंचीनाथन यांच्या स्मरणार्थ माजी खासदार कुमारी आनंदन यांनी मनियाची रेल्वे स्थानकाचं नामकरण 'वंची मनियाची' असे केले. तसेच तामिळनाडू सरकारने सेनगोटाई येथे वंचिनाथन यांचे स्मारकही उभारले आहेत. वडील रघुपती अय्यर यांनी ओळखलेल्या वंचिनाथनच्या मृतदेहाची माहिती अद्याप कागदोपत्री उपलब्ध झालेली नाही. इतिहासकारांची इच्छा आहे, यावर अधीक संशोधन व्हावे आणि वंचिनाथन यांचा योग्य तो आदर व्हावा. वंचिनाथन यांच्या बलिदानाच्या सन्मानार्थ सेनगोटाई ते दिल्ली ट्रेन सुरू करण्याची आणि त्यांच्या स्मारकाची योग्य देखभाल करण्याची मागणी अनेकांकडून करण्यात येत आहे.
हेही वाचा - स्वातंत्र्याची 75 वर्षे : शहीद-ए-आझम भगतसिंग! एक क्रांतिकारक ज्याने स्वातंत्र्यासाठी चालवली केवळ एक गोळी
