Monsoon 2023 Update: मान्सून केरळमध्ये दाखल होण्यास लागणार उशीर, चक्रीवादळाबाबत महाराष्ट्रासह गुजरातला अलर्ट

दरवर्षीप्रमाणे यंदाही मान्सूनचे सर्वप्रथम केरळमध्ये आगमन होणार आहे. मात्र, यंदा मान्सूनला उशीर झाला आहे. यापूर्वी हवामान विभागाने 1 जून ते 4 जून दरम्यान केरळच्या किनारपट्टीवर मान्सून दाखल होईल, असा अंदाज व्यक्त केला होता. हवामान विभागाच्या अंदाजानुसार येत्या बुधवारी किंवा गुरुवारी मान्सून केरळमध्ये दाखल होणार आहे. दुसरीकडे चक्रीवादळाचा महाराष्ट्रातील काही जिल्ह्यावर परिणाम होणार आहे.

नवी दिल्ली: संपूर्ण देश चातकासारखी मान्सूनची वाट पाहत असताना महत्त्वाची बातमी आहे. हवामान विभागाच्या अंदाजानुसार यंदा मान्सून 7 किंवा 8 जूनच्या आसपास केरळमध्ये दाखल होऊ शकतो. भारतीय हवामान विभागाच्या माहितीनुसार (IMD) नैऋत्य मान्सूनची उत्तर सीमा लक्षद्वीपच्या मिनिकॉय बेटावरून जाते. दक्षिण अरबी समुद्रावर पश्चिमेकडील वाऱ्यांचा जोर वाढल्याने मान्सूनसाठी परिस्थिती अनुकूल होत आहे. यासोबतच पश्चिमेकडील वाऱ्यांचे प्रमाण हळूहळू वाढत आहे. ढगांचे प्रमाण आग्नेय अरबी समुद्रावरही वाढत आहे. येत्या तीन-चार दिवसांत मान्सून सुरू होण्यासाठी ही अनुकूल परिस्थिती आणखी सुधारेल, असा हवामान विभागाचा अंदाज आहे.

दक्षिणपूर्व अरबी समुद्रात चक्रीवादळ : चक्रीवादळामुळे मान्सून केरळच्या किनारपट्टीकडे सरकण्याचा भारतीय हवामान विभागाचा अंदाज आहे. अरबी समुद्रात कमी दाबाचे क्षेत्र निर्माण झाल्यामुळे चक्रीवादळ तयार होत आहे. 5 जूनच्या सुमारास दक्षिणपूर्व अरबी समुद्रात चक्रीवादळ निर्माण झाले. या परिस्थितीत केरळमध्ये 9 जूनपर्यंत मेघगर्जना, विजांचा कडकडाट आणि सोसाट्याच्या वाऱ्यासह विविध ठिकाणी पाऊस पडण्याची दाट शक्यता आहे.

• Warning of the day.#arabiansea #Depression #WeatherUpdate #IndiaMeteorologicalDepartment #observation @DDNewslive @airnewsalerts @moesgoi @ndmaindia pic.twitter.com/28666homHO

  — India Meteorological Department (@Indiametdept) June 5, 2023 " class="align-text-top noRightClick twitterSection" data="

  Warning of the day.#arabiansea #Depression #WeatherUpdate #IndiaMeteorologicalDepartment #observation @DDNewslive @airnewsalerts @moesgoi @ndmaindia pic.twitter.com/28666homHO

  — India Meteorological Department (@Indiametdept) June 5, 2023

  ">

  Warning of the day.#arabiansea #Depression #WeatherUpdate #IndiaMeteorologicalDepartment #observation @DDNewslive @airnewsalerts @moesgoi @ndmaindia pic.twitter.com/28666homHO

  — India Meteorological Department (@Indiametdept) June 5, 2023

केरळसाठी यलो अलर्ट: हवामान खात्याने केरळसाठी यलो अलर्ट जारी केला आहे. त्यामुळे नागरिकांना बदलत्या वातावरणात सतर्क राहण्याची गरज आहे. गुजरात राज्यात बायपरजॉय चक्रीवादळ येणार असून त्याचा प्रभाव गुजरातसह महाराष्ट्रातील काही जिल्ह्यांमध्येही दिसून येणार आहे. बियपरजॉय चक्रीवादळात वाऱ्याचा वेग ताशी 50 किमीपर्यंत असू शकतो. हवामान विभागाने मुंबईसह कोकण समुद्र किनाऱ्यावर अलर्ट जारी केला आहे.

मान्सू केरळनंतर असा पुढे करणार प्रवास: केरळमध्ये मान्सूनचे आगमन झाल्यानंतर मान्सून कर्नाटक, तामिळनाडू आणि ईशान्येकडील काही भागांकडे सरकत जाणार आहे. पश्चिम बंगाल, झारखंड आणि बिहारमध्ये मान्सूनच्या आगमनाची तारीख मान्सून ईशान्येकडे पोहोचल्यानंतरच स्पष्ट होऊ शकणार आहे. हवामान खात्याच्या एका अधिकाऱ्याच्या हवाल्याने मीडिया रिपोर्टमध्ये म्हटले आहे की, ईशान्येकडून मान्सूनला कोलकात्यात पोहोचण्यासाठी किमान चार ते पाच दिवस लागतात.

सागर किनारपट्टीवर न जाण्याचे आवाहन: केरळ किनारपट्टीवर वादळी हवामानाची शक्यता असल्याने मच्छिमारांना पुढील ४-५ दिवस समुद्रात न जाण्याचा इशारा हवामान विभागाने दिला आहे. केरळमध्ये मान्सून दाखल झाल्यानंतर अतिवृष्टी होण्याची शक्यता असते. त्या पार्श्वभूमीवर नागरिकांनी पावसाळ्यात काळजी घ्यावी, असा सल्ला देण्यात येत आहे. विदर्भात तीव्र उष्णतेची लाट 7 ते 9 जून दरम्यान राहण्याचा अंदाज हवामान विभागाने व्यक्त केला आहे.

हेही वाचा-