वाराणसी (उत्तरप्रदेश): काशीतील हॉट एअर बलून फेस्टिव्हलचा एक व्हिडिओ सोशल मीडियावर मोठ्या प्रमाणात व्हायरल होत आहे. हॉट एअर बलून सिग्रा भागात उतरताना दिसत आहे. दाट लोकवस्तीच्या परिसरात अचानक फुग्याचे आगमन हा सर्वांच्या कुतूहलाचा विषय बनला आहे. यामध्ये लहान मुलेही कुतूहलाने ओरडताना दिसत आहेत. उंच अशा आकाशात उडालेला हा फुगा काहीतरी कारणामुळे अचानक खाली पडला आहे.
पार्कमध्ये येऊन पडला मोठा फुगा: पार्कमध्ये अचानक फुगा खाली येताना पाहून मुलांनी मोठ्या प्रमाणावर आरडाओरड सुरू केली. पतंग कापल्यावर ज्याप्रमाणे जल्लोष केला जातो तसाच जल्लोष येथील मुलांनी हा फुगा खाली पडल्यावर केला. अचानक फुगा पडल्याने मुलांनी तो पतंग समजून या घोषणा दिल्या. यावेळी संपूर्ण परिसर जय श्री राम, हर हर महादेवच्या घोषणांनी दुमदुमून गेला आणि सर्वजण या भव्य फुग्याकडे आश्चर्याने पाहत होते.
पर्यटन विभागाने केले होते आयोजन: हा व्हायरल व्हिडिओ वाराणसीच्या सिग्रा येथील लाजपत नगरच्या उद्यानाचा आहे. येथे अचानक फुगा उद्यानात पडताना दिसला. मोठा फुगा पाहून सर्वजण आनंदाने ओरडत होते. लोकांनी त्याला जवळून स्पर्श केला आणि तासनतास त्याकडे पाहिले. वाराणसीमध्ये १७ ते २० जानेवारी दरम्यान ४ दिवसीय हॉट एअर बलून फेस्टिव्हलचे आयोजन करण्यात आले होते. यामध्ये वाराणसीतून दररोज 10 हॉट एअर फुगे उडत होते. यामध्ये या बलून फेस्टिव्हलमध्ये 100 हून अधिक पाहुण्यांनी सहभाग घेतला. शांघाय देशांच्या प्रतिनिधींनीही आपला सहभाग नोंदवला. काशी येथे पर्यटन विभागाने या कार्यक्रमाचे आयोजन केले होते.
हॉट एअर बलून म्हणजे काय?: हॉट एअर बलून म्हणजेच प्रचंड मोठ्या आकाराचा फुगा. पहिल्यांदा २१ नोव्हेंबर १७८३ ला पॅरिसमध्ये पहिल्यांदा अशाप्रकारे फुगे उडवण्यात आले होते. जोसेफ आणि मायकल ब्रदर्स आणि जॅकएसएन डी मोंटगोल्फाय यांनी मिळून पहिल्यांदा माणसांना वाहून नेणारा बलून बनवला. तरुण शास्त्रज्ञ जो फ्रंकवा रोजिएर हा त्यात बसला होता आणि पंचवीस मिनिटे हे बलून पॅरिसच्या आकाशात तरंगत होते. जवळपास सोव्य किलोमीटर अंतर त्याने पार केले आणि ते सुखरूप खालीही उतरले. मोंटगोल्फाय यांना हे तयार करायची युक्ती सुचली, ती तापलेल्या आगीमुळे कागद व इतर वस्तू वर उडताना पाहून त्यांनी सुरुवातीला छोट्या आकाराचे फुगे तयार केले होते.
