हातरस येथील सादाबाद रोडवरील सेंट फ्रान्सिस शाळेजवळ एका डंपरने शुक्रवारी दुपारी दीडच्या सुमारास गंगाजल वाहून नेणाऱ्या अनेक कावड यात्रेकरूंना चिरडले. त्यापैकी 6 जणांचा मृत्यू ( Five Pilgrims killed ) झाला. तर अन्य दोघे गंभीर जखमी ( Critical Condition ) झाले आहेत. आग्रा एडीजी राजीव कृष्णा यांनी सांगितले की, आम्हाला डंपरच्या चालकाची माहिती मिळाली आहे. तो लवकरच पकडला जाईल.
पोलिसांनी दिलेल्या माहितीनुसार हे कावड यात्रेकरू गंगाजल घेऊन हरिद्वारहून ग्वाल्हेरला जात होते. अपघाताची माहिती मिळताच पोलीस आणि प्रशासकीय अधिकारी घटनास्थळी दाखल झाले. दोन गंभीर जखमी भाविकांना उपचारासाठी आग्रा येथे पाठवण्यात आले. घटनेची माहिती मिळताच पोलिस अधिकारी घटनास्थळी पोहोचले. अपघातातील सर्व बळी हे बांगी खुर्द पोलीस स्टेशन, उटिला जिल्हा, ग्वाल्हेर, मध्य प्रदेश येथील रहिवासी असल्याचे सांगण्यात येत आहे.
हेही वाचा - Aaditya Thackeray : औरंगाबादेत आदित्य ठाकरेंची तोफ बंडखोरांवर धडालली; 'सगळे नीट चालले असताना गद्दारी का'
