Achievements75 भारतातील टॉप 5 महिला उद्योजिका, वाचा प्रेरणादायी यशोगाथा

महिला सर्वच क्षेत्रात यशस्वी आणि सर्वोत्तम कामगिरी करत आहेत, अर्थातच उद्योग क्षेत्र ( industry sector ) हे त्याला अपवाद नाही. उद्योग क्षेत्रामध्ये जवळजवळ १४% असे उद्योग आहेत. ज्यांची मालकी आणि व्यवस्थापन महिला करत आहेत, आणि हा आकडा दिवसेंदिवस वाढतच चालला आहे. भारतातीत या पाच महिला उद्योजिका आहेत ज्या ( Women Entrepreneurs in India ) उद्योग क्षेत्रात सर्वोत्तम कामगिरी करत आहेत.

फाल्गुनी नायर - ( Falguni Nayar Business woman ) फाल्गुनी नायर या भारतातीत यशस्वी महिला उद्योजिका ( Women Entrepreneurs in India ) आहे. आय आय एम अहमदाबाद मधून मॅनॅजमेण्टचं शिक्षण पूर्ण करून फाल्गुनी नायर यांनी आपल्या करिअरची सुरुवात A. F. Ferguson या कंपनीतून केली. त्यानंतर कोटक महिंद्रा फायनान्स मध्ये काम करण्यास सुरुवात केली. कंपनीची लंडन येथे शाखा सुरु करून अल्पावधीतच अमेरिकेत देखील ऑफीस स्थापन केले. भारतात परत येऊन २०१२ पर्यन्त कोटक महिंद्रा फायनान्स मध्येच काम करत राहिल्या.अमेरिकेत असताना त्यांच्या निदर्शनास आलेली एक गोष्ट म्हणजे तेथे असलेल्या सौंदर्यप्रसाधनांची मोठमोठी आणि महागडी दुकाने. त्यामुळे भारतामध्ये सौंदर्यप्रसाधने सर्वच स्तरातील ग्राहकांना योग्य दरात आणि घरपोच उपलब्ध करून देणे हा एक विचार त्यांच्या या स्टार्टअप मागे मुख्यत्वे होता. इतक्या वर्षांच्या कॉर्पोरेटमधल्या कामाचा अनुभव असताना २०१२ मध्ये त्यांनी आपल्या उत्तम अश्या करिअरला राम राम केला आणि 'नायका' या ईकॉमर्स स्टार्टअप कंपनीची स्थापना केली. यामध्ये सौंदर्यप्रसाधने, पर्सनल केअर तसेच आरोग्यविषयक प्रोडक्ट्स चा समावेश होता. सर्वच उत्पादने ऑनलाइन आणि वाजवी दरामध्ये उपलब्ध करून देण्यात आली. त्यामुळे अल्पावधीतच नायका ग्राहकांच्या पसंतीस उतरला.

निरु शर्मा - कंप्युटर सायन्स मध्ये इंजिनीअरिंग ची डिग्री संपादन करुन निरु शर्मा ( Niru Sharma ) यांनी कार्नेगी मेलॉन युनिवर्सिटी मधुन मॅनॅजमेण्टचं शिक्षण पूर्ण केले. इन्फिबिम या कंपनिच्या त्या सह संस्थापिका आहेत. इन्फिबिम या ई-कॉमर्स कंपनीची स्थापना २००७ साली झाली. हि कंपनी मुख्यत्वे पुस्तके, इलेक्ट्रॉनिक्स आणि ऑटोमोबाइल या प्रकारचे प्रोडक्ट्स योग्य दरात आणि घरपोच उपलब्ध करुन देते. इन्फिबिम हि कंपनी बॉम्बे स्टॉक एक्सचेंज आणि नॅशनल स्टॉक एक्सचेंज मध्ये लिस्टेड आहे त्याचबरोबर IPO फाईल करणारी इन्फिबिम हि भारतातील पहिली इकॉमर्स कंपनी बनली आहे.

राधिका घाई अग्रवाल - वॉशिंग्टन युनिवर्सिटी मधून मॅनॅजमेण्टचं शिक्षण पूर्ण करुन स्टॅनफोर्ड मधुन त्यांनी वेब २.० आणि क्रिएटिव्ह राइटिंगचं शिक्षण घेतलं. राधिका घाई अग्रवाल या शॉपक्लूझ कंपनीच्या सह संस्थापिका आहेत. त्याचबरोबर युनिकॉर्न क्लब मध्ये जाणार्‍या ( Radhika Ghai Agarwal ) त्या पहिल्या भारतीय महिला उद्योजिका आहेत. शॉपक्लूझ कंपनी हि त्यांची पहिली कंपनी नसुन त्यांनी त्यापूर्वी फॅशनक्लूझ नावाची कंपनी परदेशी महिलांसाठी सुरु केली होती. शॉपक्लूझ हि अमॅझॉन, फ्लीपकार्ट प्रमाणेच एक इ-कॉमर्स कंपनी आहे.

रिचा कर - एका पारंपारिक पारिवरीक पार्श्वभूमी असलेल्या रिचा कर यांनी पुढे येऊन स्त्रियांच्या आंतरवस्त्रांशी निगडीत "झिवामी" नावाचा ब्रँड २०११ मध्ये बाजारात आणला आणि आता हा ब्रँड स्त्रियांमध्ये प्रसिध्द असणार्‍या ब्रँड पैकी एक आहे. रिचा कर ( Richa kar ) यांनी बिट्स पिलानी मधून आपल डिग्री च तर नरसी मोनजी इन्स्टीट्युट ऑफ मॅनेजमेंट मधून मॅनेजमेंटचं शिक्षण पुर्ण केल. झिवामी लाँच करण्याअगोदर त्यांनी आय टी कंपनी मध्ये काम केल आहे, आणि आता त्या भारतातील यशस्वी उद्योजिकांपैकी एक आहेत.

सबिना चोप्रा - सबिना चोप्रा या ( sabina chopra ) यात्रा च्या सह संस्थापिका आहेत. भारतातील सर्वात मोठी युरोपिअन ट्रॅव्हल कंपनी इ-बूक बरोबर १६ वर्षे कामाच्या अनुभवाबरोबरच त्या भारतातील यशस्वी उद्योजिकांपैकी एक आहेत. दिल्ली युनिवर्सिटी मधुन त्यांनी त्यांचं बॅचलर ऑफ आर्ट्स मध्ये आपल डिग्री शिक्षण पूर्ण केलं आहे. सबिना यांनी त्यांचे अजुन दोन सह संस्थापक ध्रुव श्रिंगी आणि मनिष अमिन यांच्याबरोबर २००६ मध्ये यात्रा. कॉम लाँच केली.यात्रा हि एक ऑनलाईन ट्रॅव्हल एजन्सी असुन ग्राहक तिथे होटेल्स, फ्लाइट टिकीट्स, ट्रेन टिकीट्स, बस टिकीट्स आणि भारतात तसेच परदेशात हॉलिडे पॅकेज बूक करु शकतात. हि कंपनी गुरुग्राम मध्ये असुन एप्रिल २०१२ मध्ये हि कंपनी भारतातील दुसर्‍या क्रमांकाची ट्रॅव्हल सर्विस पुरवणारी कंपनी बनली.

हेही वाचा : Achievements In Sports क्रीडा क्षेत्रात भारत देशाची प्रतिमा उंचावलेल्या भारतीय महिला