राष्ट्रपती रामनाथ कोविंद आज उत्तर प्रदेशमध्ये...वाचा टॉप न्यूज एका क्लिकवर

काल आणि आजच्या महत्त्वाच्या बातम्यांसाठी येथे क्लिक करा. आजच्या बातम्या, ज्यांच्यावर आपली नजर असेल आणि कालच्या महत्त्वाच्या बातम्या, ज्यांच्याबाबत तुम्हाला माहिती घ्यायला नक्की आवडेल.

आज 'या' घडामोडींवर असणार नजर -

• राष्ट्रपती रामनाथ कोविंद आजपासून उत्तर प्रदेशच्या दौऱ्यावर आहेत. आज ते लखनौमध्ये दाखल होतील.

• केंद्र सरकारकडून अफगाणिस्तानच्या परिस्थितीवर चर्चा करण्यासाठी सर्वपक्षीय बैठक बोलावण्यात आली आहे. सकाळी ११ वाजता ही बैठक सुरू होणार आहे.

• राज कुंद्राच्या जामीन अर्जावर आज मुंबईतील सत्र न्यायालयात सुनावणी होणार आहे.

• आज संपूर्ण विदर्भात स्वतंत्र विदर्भासाठी विदर्भवाद्यांकडून रस्ता रोको आंदोलन होणार आहे.

• आज पिंपरी चिंचवडमध्ये फक्त कोव्हॅक्सिनचे डोस या लसीकरण केंद्रांवर उपलब्ध होणार आहे.

• महाराष्ट्रातील काही भागात आज हलका व मध्यम स्वरुपाच्या पावसाची शक्यता आहे.

• मराठी अभिनेत्री पल्लवी जोशी हिचा आज वाढदिवस.

कालच्या महत्वाच्या बातम्या -

मुंबई : ज्यांना देशाचा स्वातंत्र्यदिनाविषयी माहिती नाही, त्यांनी चेष्टा करावी हे सहन न झाल्यानेच माझ्या तोंडून ते वाक्य आले असे म्हणत नारायण राणेंनी मुंबईतील पत्रकार परिषदेत स्वतःच्या विधानाचे समर्थन केले. यावेळी बोलताना पुढचं वाक्य नेक्स्ट टाईम असे म्हणत मी माझी बाजू मांडली असे स्पष्टीकरण केंद्रीय मंत्री नारायण राणे यांनी पत्रकारांसमोर दिले. मी जेवढं सांगितलं त्यापैकी तुम्हाला लोकांपर्यंत जेवढं पोहोचवता येईल तेवढं पोहोचवा, मी केलं ते राष्ट्रीयत्व असेही ते पत्रकारांना म्हणाले.सविस्तर वाचा...

मुंबई - काँग्रेसचे माजी अध्यक्ष राहुल गांधी यांनी 6 लाख कोटींच्या मालमत्ता रोखीकरण (monetisation) योजनेवर टीका केल्यानंतर केंद्रीय अर्थमंत्री निर्मला सीतारामन यांनी प्रत्युत्तर दिले आहे. राहुल गांधींना असे निर्णय समजतात का, असा टोला सीतारामन यांनी लगाविला. सत्तेत असताना काँग्रेसने खाणी आणि जमिनी विकल्याचा दावाही केंद्रीय अर्थमंत्र्यांनी केला. त्या माध्यमांशी बोलत होत्या.सविस्तर वाचा...

नवी दिल्ली - खासदार आणि आमदारांविरोधातील प्रकरणात ईडी आणि सीबीआयकडे मोठ्या प्रमाणात प्रलंबित प्रकरणे आहेत. त्याबाबत सर्वोच्च न्यायालयातील पीठाचे मुख्य न्यायाधीश, सरन्यायाधीश एन. व्ही. रामणा यांनी नाराजी व्यक्त केली आहे. आमदार-खासदारांच्या विरोधातील तपास प्रकरणात दिरंगाई होण्यामागे कारणही तपास संस्थांनी दिले नसल्याचे सर्वोच्च न्यायालयाने निरीक्षण नोंदविले आहे.सविस्तर वाचा...

नाशिक - आगामी स्थानिक स्वराज्य संस्था निवडणुकीचा बिगूल वाजला असून राज्यातील मुंबईसह १८ महापालिकांच्या निवडणुका वॉर्ड पद्धतीने होणार असल्यावर शिक्कामोर्तब झाले आहे.सविस्तर वाचा...

नाशिक - उत्तर प्रदेशचे मुख्यमंत्री योगी आदित्यनाथ यांच्याबद्दल असभ्य भाषा वापरल्या प्रकरणी मुख्यमंत्री उद्धव ठाकरे यांच्या सह नारायण राणे यांची प्रतिमा मलिन करण्याच्या कारणावरून सामना वृत्तपत्राच्या संपादकांवर गुन्हा दाखल करावा, अशी तक्रार भाजपा पदाधिकाऱ्यांनी नाशिकच्या सरकारवाडा पोलीस ठाण्यात केली आहे.सविस्तर वाचा...

हेडिंग्ले - लॉर्ड्स कसोटीत दमदार विजय मिळवल्यानंतर हेडिंग्ले मैदानावर भारतीय संघ मोठ्या आत्मविश्वासाने मैदानात उतरला खरा. पण इंग्लंड गोलंदाजांच्या भेदक माऱ्यासमोर भारतीय धुरंदरांनी अक्षरशः लोटांगण घातलं. इंग्लंडच्या माऱ्यासमोर भारताचा पहिला डाव अवघ्या 78 धावांत आटोपला. रोहित शर्मा (19) आणि अजिंक्य रहाणे (18) या दोघांना वगळता अन्य फलंदाजांना दुहेरी आकडा गाठता आला नाही. जेम्स अँडरसन, ओली रॉबिन्सन, क्रेग ओवरटन आणि सॅम कुरेन या गोलंदाजांनी भारताच्या डावाला खिंडार पाडले. सविस्तर वाचा...

कराडा (सातारा) - पतीच्या निधनामुळे आपण व्यथित झालो असून त्यांच्याशिवाय जगण्यात अर्थ नाही, अशी चिठ्ठी लिहून ठेवून आईने पोटच्या दोन मुलांचा गळा दाबून हत्या केली. त्यानंतर हाताची नस कापून स्वतः देखील आत्महत्येचा प्रयत्न केला. ही धक्कादायक घटना बुधवारी दुपारी कराडच्या वाघान परिसरात घडली.सविस्तर वाचा...

मुंबई - टोकियो ऑलिम्पिक २०२० मध्ये भारतीय महिला हॉकी संघाने ऐतिहासिक कामगिरी केली. या महिला हॉकी संघाचे सर्वस्तरातून कौतुक होत असून यातील १३ महिला खेळाडू भारतीय रेल्वेमध्ये कार्यरत आहेत. यामध्ये भारतीय महिला हॉकी संघाचे प्रतिनिधित्व करणाऱ्या मध्य रेल्वेच्या ऑलिम्पिक महिला हॉकी खेळाडूंचा आज बुधवारी मध्य रेल्वेकडून सत्कार करण्यात आला.सविस्तर वाचा...

जाणून घ्या तुमचे आजचे राशीभविष्य -