आर्यन खानच्या जामीन अर्जावर आज पुन्हा सुनावणी..मोदींचे आशियान-भारत शिखर परिषदेत संबोधन, वाचा ईटीव्ही भारत टॉप न्यूज

काल आणि आजच्या महत्त्वाच्या बातम्यांसाठी येथे क्लिक करा. आजच्या बातम्या, ज्यांच्यावर आपली नजर असेल आणि कालच्या महत्त्वाच्या बातम्या, ज्यांच्याबाबत तुम्हाला माहिती घ्यायला नक्की आवडेल.

आज दिवसभरातील महत्वाच्या घडामोडी ज्यांच्यावर असेल देशाची नजर -

आर्यन खानच्या जामीन अर्जावर मुंबई उच्च न्यायालयात आज पुन्हा सुनावणी

मुंबई - मुंबई क्रुझ ड्रग्ज प्रकरणी आर्यन खानच्या जामिनावर सुनावणीसाठी मुंबई उच्च न्यायालयाने पुढची तारीख दिली आहे. त्यामुळे आर्यन खानसह इतर आरोपींना आजची रात्रही तुरुंगातच काढावी लागणार आहे. आर्यन खान, अरबाज मर्चंट आणि मुनमुन धामेचा यांच्या जामीन अर्जावर मुंबई उच्च न्यायालयात सुनावणी झाली. यावेळी अरबाज मर्चंटसाठी ज्येष्ठ वकील अमित देसाई यांनी युक्तीवाद केला. माजी अटॉर्नी जनरल मुकुल रोहतगी यांनी आर्यन खानची बाजू मांडली. मात्र, या युक्तीवादाला अधिक वेळ लागल्याने न्यायालयाने जामीनावर गुरुवारी (दि. 28) पुन्हा सुनावणीचा निर्णय घेतला.

पंतप्रधान मोदी आज 18 व्या आसियान-भारत शिखर परिषदेत सहभागी होणार

नवी दिल्ली - पंतप्रधान नरेंद्र मोदी आज ब्रुनेईचे सुल्तान हसनल बोलकिया यांच्या आमंत्रणावरून 18 व्या दक्षिण पूर्व आशियाई राष्ट्रांची संघटना आसियान-भारत संमेलनातही भाग घेणार आहेत. या संघटनेत 10 आशियान देशांच्या सदस्यांशिवाय भारत, चीन, जपान, कोरिया, ऑस्ट्रेलिया, न्यूझीलंड, अमेरिका आणि रशिया सामील आहेत. या संमेलनात समुद्री सुरक्षा व दहशतवादासह प्रादेशिक व आंतरराष्ट्रीय मुद्यावर व समस्यांवर चर्चा केली जाणार आहे. त्याच बरोबर

उपराष्ट्रपती वेंकय्या नायडू गोवा दौऱ्यावर

पणजी - उपराष्ट्रपती वेंकय्या नायडू गोव्यात दाखल झाले आहेत. आज ते पेडण्यातील संत सोहिरोबनाथ महाविद्यालय इमारतीच्या उद्घाटन कार्यक्रमात सहभागी होणार आहेत. राज्यपाल ई श्रीधरन पिल्लई , मुख्यमंत्री डॉ प्रमोद सावंत यांनी गोवा आंतरराष्ट्रीय विमानतळावर उपराष्ट्रपतीचें स्वागत केले. त्यांनतर ते पणजीतील राजभवन येथे दाखल झाले, सुरक्षेच्या कारणांस्तव त्यांच वास्तव्य राजभवन येथेच आहे.

एसटी कर्मचाऱ्यांच्या आंदोलनाचा आज दुसरा दिवस.. आज आंदोलनात १७ संघटना सहभागी होणार

मुंबई - एसटी कर्मचाऱ्यांना ऑक्टोबर-नोव्हेंबर महिन्याचे वेतन दिवाळीपूर्वी अदा करावे, महागाई भत्ता, घरभाडे भत्ता, वार्षिक वेतनवाढीचा दर अशा अनेक मुद्यावर एसटी कामगार संयुक्त कृती समितीने बुधवारपासून बेमुदत उपोषण पुकारले आहे. महाराष्ट्र राज्य मार्ग परिवहन महामंडळातील संयुक्त कृती समितीत महाराष्ट्र एसटी वर्कर्स कॉंग्रेस (इंटक), महाराष्ट्र एसटी कामगार संघटना, महाराष्ट्र एसटी कामगार सेना, कास्ट्राईब एसटी कर्मचारी संघटना, महाराष्ट्र मोटार कामगार फेडरेशन यासह एकूण १७ संघटना गुरुवारी बेमुदत उपोषणात सहभागी होणार आहे.

गृहराज्य मंत्री सतेज पाटील आज अमरावती जिल्ह्याच्या दौऱ्यावर

अमरावती - गृहराज्य मंत्री सतेज पाटील आज अमरावती जिल्ह्याच्या दौऱ्यावर आहेत. जिल्ह्यातील गुन्ह्याच्या प्रकरणांचा आढावा ते आपल्या दौऱ्यात घेणार आहेत.

काल दिवसभरातील महत्वाच्या बातम्या -

पुणे पोलिसांच्या हातावर तुरी देऊन किरण गोसावी पसार.. महिला सहकाऱ्याला अटक

पुणे - आर्यन खान प्रकरणात मुख्य पंच असलेल्या किरण गोसावीवर फरासखाना पोलीस ठाण्यात फसवणुकीचा गुन्हा दाखल आहे. या प्रकरणात एका महिला आरोपीला अटक करण्यात आली आहे. गेल्या तीन दिवसापासून गोसावी पुणे पोलिसांना शरण येणार असल्याचे सांगितले जात असताना आज पुण्यातील कामशेत भागात किरण गोसावी पोलिसांच्या हातावर तुरी देऊन पसार झाला आहे. पुणे पोलिसांची दोन पथके त्याचा शोध घेत आहेत.

एनसीबी पथकाकडून समीर वानखेडेंचा चार तास जवाब नोंदवला, मात्र तक्रारदार गायब

मुंबई - क्रुझ ड्रग्ज पार्टी प्रकरणातील पंच प्रभाकर साईल याने गौप्यस्फोट करत किरण गोसावी आणि समीर वानखे़डे यांच्यावर डील करत असल्याचा खळबळजनक आरोप केला. प्रभाकर साईल याच्या २५ कोटींच्या आरोपासंदर्भात समीर वानखेडे यांचा आज जबाब नोंदवण्यात आला, असं एनसीबीचे वरिष्ठ अधिकारी ज्ञानेश्वर सिंह यांनी सांगितले. परंतु, २५ कोटींच्या डीलचा आरोप करणाऱ्या प्रभाकर साईल यांनी उद्या किंवा परवा एनसीबीसमोर आपला जबाब नोंदवण्याची हजर व्हावे, असं ज्ञानेश्वर सिंह यांनी म्हटले आहे.

वाचा सविस्तार - एनसीबी पथकाकडून समीर वानखेडेंचा चार तास जवाब नोंदवला, मात्र तक्रारदार गायब

Drug Case : आपल्या जीवाला धोका, पंच शेखर कांबळेंची कोपरखैरणे पोलीस ठाण्यात तक्रार

नवी मुंबई - आर्यन खान ड्रग्स प्रकरणात अनेक गोष्टी समोर येत आहेत. NCB च्या एका कारवाईत पंच राहिलेल्या शेखर कांबळे यांनी देखील अनेक धक्कादायक खुलासे केले आहेत. आज(27 ऑक्टोबर) शेखर कांबळे यांनी कोपरखैरणे पोलीस ठाण्यात तक्रार देखील दाखल केली आहे. आपल्या जीवाला धोका असल्याचे त्यांनी तक्रारीत म्हटले आहे.

वाचा सविस्तर - Drug Case : आपल्या जीवाला धोका, पंच शेखर कांबळेंची कोपरखैरणे पोलीस ठाण्यात तक्रार

महागाईचे संकट: एलपीजीसह पेट्रोल-डिझेलचे दर पुढील आठवड्यात वाढण्याची शक्यता

नवी दिल्ली - स्वयंपाकघरातील एलपीजी गॅस पुन्हा पुढील आठवड्यात महागण्याची शक्यता असल्याचे सूत्राने सांगितले. जर केंद्र सरकारकडून या दरवाढीला परवानगी मिळाली तर एलपीजी गॅसची ही पाचवी दरवाढ असणार आहे.

वाता सविस्तर - महागाईचे संकट: एलपीजीसह पेट्रोल-डिझेलचे दर पुढील आठवड्यात वाढण्याची शक्यता

शाहरुख खानची मॅनेजर पूजा ददलानीचा सीडीआर काढण्यासाठी पाच लाखांची ऑफर; क्रूझ ड्रग्स प्रकरणी हॅकरचा दावा

जळगाव - आर्यन खान ड्रग्ज प्रकरणात शाहरुख खानची मॅनेजर पूजा ददलानीचा सीडीआर काढण्याचे सांगितला होता, असा गौफ्यस्फोट जळगावातील इथिकल हॅकर मनीष भंगाळेने केला. पुराव्याची छेडछाड करण्यासाठी 5 लाखांची ऑफर दिली असा दावाही त्याने केला.

वाचा सविस्तर - शाहरुख खानची मॅनेजर पूजा ददलानीचा सीडीआर काढण्यासाठी पाच लाखांची ऑफर; क्रूझ ड्रग्स प्रकरणी हॅकरचा दावा

28 ऑक्टोबर राशीभविष्य : 'या' राशीवाल्यांना आजचा दिवस आनंदात व उत्साहात जाईल; जाणून घ्या आजचे राशीभविष्य

कसा असेल तुमचा दिवस? अभ्यास, प्रेम, लग्न, व्यवसाय यासंदर्भातील ग्रहांची स्थिती कशी असेल? वैवाहिक जीवनात त्रासातून आराम मिळेल का? मुलांना अभ्यास करावा वाटत नाही, काय करावे? येत्या काळात परदेशात जाण्याची संधी मिळेल का? जोडीदाराबरोबर वेळ कसा घालवावा? अशा सर्व प्रश्नांची उत्तरे जाणून घेण्यासाठी, ईटीव्ही भारतवर वाचा, आजचे राशीभविष्य

हे ही वाचा - 28 ऑक्टोबर राशीभविष्य : 'या' राशीवाल्यांना आजचा दिवस आनंदात व उत्साहात जाईल; जाणून घ्या आजचे राशीभविष्य