मुंबई - आयपीएलच्या 32 व्या सामन्यात दिल्ली कॅपिटल्सने पंजाब किंग्जचा 9 गडी राखून पराभव केला. या सामन्यात दिल्लीच्या फलंदाज आणि गोलंदाजांनी अप्रतिम खेळ दाखवला. आयपीएल (DC vs PBKS IPL 2022)मधील दिल्ली कॅपिटल्सचा हा तिसरा विजय आहे. प्रथम फलंदाजी करताना पंजाब किंग्जने दिल्ली संघाला 116 धावांचे लक्ष्य दिले, जे दिल्ली कॅपिटल्सने 1 गडी गमावून पूर्ण केले.
डेव्हिड वॉर्नरने 30 चेंडूत 60 धावा केल्या - दिल्ली कॅपिटल्सच्या सलामीवीरांनी सामन्यात अप्रतिम खेळ दाखवला. पृथ्वी शॉ आणि डेव्हिड वॉर्नर यांनी पहिल्या विकेटसाठी 83 धावांची भागीदारी केली. पृथ्वी शॉने 20 चेंडूत 41 धावा केल्या. त्याचवेळी डेव्हिड वॉर्नरने 30 चेंडूत 60 धावा केल्या. सर्फराज खानने 12 चेंडूत 13 धावा केल्या. शॉ आणि वॉर्नरने मैदानाच्या चारही बाजूंनी फटकेबाजी केली. त्याची वेगवान फलंदाजी पाहून विरोधी संघही आवाक झाला.
अक्षर पटेलने चार षटकांत १० धावा देत २ बळी घेतले - दिल्ली कॅपिटल्सचा कर्णधार ऋषभ पंतने नाणेफेक जिंकून प्रथम गोलंदाजी करण्याचा निर्णय घेतला. गोलंदाजांनी त्याचा निर्णय यशस्वी करून दाखवला. भारतीय खेळपट्ट्या नेहमीच फिरकीपटूंसाठी उपयुक्त ठरल्या आहेत. या खेळपट्टीवर अक्षर पटेल आणि कुलदीप यादव यांनी शानदार खेळ दाखवला. अक्षर पटेलने चार षटकांत १० धावा देत २ बळी घेतले. त्याच्या गोलंदाजीसमोर पंजाबचा एकही फलंदाज टिकू शकला नाही. खलील अहमद, ललित यादव आणि कुलदीप यादव यांनी 2-2 बळी घेतले. त्याचवेळी एक विकेट मुस्तफिझूरच्या खात्यात गेली.
मयांक अग्रवालही काही खास खेळी दाखवू शकला नाही - दिल्ली कॅपिटल्सविरुद्ध पंजाब किंग्जची फलंदाजी पूर्णपणे विखुरलेली दिसत होती. दिल्लीविरुद्धच्या सामन्यात शिखर धवन अपयशी ठरला आणि अवघ्या 10 चेंडूत 9 धावा करून बाद झाला. कर्णधार मयांक अग्रवालही काही खास खेळी दाखवू शकला नाही. तो २४ धावा करू शकला. जॉनी बेअरस्टोने 9 आणि लियाम लिव्हिंगस्टोनने 2 धावा केल्या. जितेश शर्माने काही वेळ विकेटवर टिकून राहण्याचा प्रयत्न केला. त्याने 32 धावा केल्या. शाहरुख खानने 12 धावा केल्या. राहुल चहरनेही 12 धावांचे योगदान दिले.
हेही वाचा - Kieron Pollard Retirement : कायरन पोलार्डचा धक्कादायक निर्णय; आंतरराष्ट्रीय क्रिकेटमधून घेतली निवृत्ती
