Daksh Boopathi interview: १२ वर्षांचा दक्ष मृदंग वाजवून जी-२० परिषदेत पाहुण्यांच करणार स्वागत, पहा विशेष मुलाखत

दिल्लीत G20 परिषदेची जोरदार तयारी असून पाहुण्यांच्या स्वागतासाठी भव्य व सूरमय संगीत मैफलीचीही तयारी करण्यात आली आहे. मैफलीत वाद्ये सादर करणाऱ्या ७८ कलाकारांमध्ये दिल्लीचा बारावर्षीय व्ही दक्ष भूपती हादेखील सहभागी होणार आहे. भूपती हा मृदंग वाजवून पाहुण्यांचे स्वागत करणार आहे.

नवी दिल्ली : दोन दिवसीय G20 शिखर परिषदेला शनिवारपासून सुरुवात होणार आहे. आज दिवसभरात अमेरिकेचे अध्यक्ष जो बायडेन यांच्या ब्रिटनचे पंतप्रधान ऋषीपर्यंत अनेक आंतरराष्ट्रीय नेते दिल्लीत पोहोचले आहे. विशातून भारतात येणाऱ्या 400 पाहुण्यांच्या स्वागतासाठी खास संगीतमय मैफलीचे आयोजन करण्यात येणार आहे. यामध्ये देशभरातील लोककलाकारांसह विविध राज्यातील 78 संगीतकार सहभागी होणार आहेत. विशेष बाब म्हणजे यामध्ये सीसीआरटी शिष्यवृत्तीधारक व्ही दक्ष भूपती हा मृदंग वाजवून सर्वांचे स्वागत करणार आहेत. हा सर्वात कमी वयाचा कलाकार असणार आहे.

चार पिढ्यांपासून संगीताचा वारसा : 12 वर्षांचा दक्ष हा सोमरविले स्कूल, वसुंधरा एन्क्लेव्ह, दिल्ली येथे आठवीत शिकतो. दक्षच्या वडिलांनी सांगितले की, त्यांच्या कुटुंबातील सदस्य हे चार पिढ्यांपासून संगीतकार आहेत. दक्ष हा पाचव्या पिढीतील कलाकार आहे. सांस्कृतिक मंत्रालयाच्या सीसीआरटी केंद्रातून शिष्यवृत्ती दिली जाते. यामध्ये 10 ते 14 वर्षे वयोगटातील कलाकारांच्या श्रेणीतील शिष्यवृत्तीसाठी यापूर्वी दक्षची निवड झाली आहे. त्यांना बालपणापासूनच मृदंगाची आवड आहे. त्याने वयाच्या चौथ्या वर्षापासून मृदंग शिकण्यास सुरुवात केलीय. भारत मंडपम येथे रात्रीच्या जेवणाच्या वेळी संगीत मैफल होणार असल्याचे सांगण्यात आल्याचं त्यानं सांगितले. यावेळी विदेशातील पाहुणे गोड पदार्थांसह भारतीय संगीताचा आनंद लुटणार आहे.

• ईटीव्ही भारतशी बोलताना दक्ष म्हणाला, की G20 परिषदेचा भाग होणं ही माझ्यासाठी अत्यंत अभिमानाची बाब आहे. संगीत कार्यक्रमात सहभागी होण्याची संधी मिळाल्यानं पंतप्रधान नरेंद्र मोदी, संगीत नाटक अकादमीचे अध्यक्ष, सचिव, शाळेचे प्राचार्य तसेच गुरू यांचे आभार आहे.

नऊ दिवस सराव : गेल्या नऊ दिवसांपासून दक्षसह सर्व कलाकारांची भारत मंडपममध्ये दररोज पाच ते सहा तास सराव केलाय. दक्षला ३१ ऑगस्ट रोजी या संगीत कार्यक्रमात सहभागी होण्याचे अधिकृत आमंत्रण मिळाले. दक्षची आई श्रावणी मिश्रा म्हणाल्या, की दक्ष हा पूर्व दिल्लीच्या वसुंधरा एन्क्लेव्हमध्ये असलेल्या शाळेत आठवीत शिकतोय. त्याचे वडील देखील शिक्षक आहेत. त्यांचे वडिलांचे नाव तालमणी पीव्ही भूपती असून ते नॅशनल स्कूल ऑफ ड्रामाच्या संगीत विभागात नोकरी करतात.

हेही वाचा-