Pakistani Drone : पाकिस्तानचे नापाक मनसुबे BSF जवानांनी उधळून लावले; घुसखोरी करणारे ड्रोन पाडले

पाकिस्तानातून होणारी अमली पदार्थांची तस्करी थांबण्याचे नाव घेत नाही. पंजाबमधील तरनतारन सीमेवरून भारतीय हद्दीत घुसखोरी करणाऱ्या एका संशयित पाकिस्तानी ड्रोनला सीमा सुरक्षा दलाच्या (बीएसएफ) जवानांनी पाडले आहे.

चंदीगड : पंजाबमधील तरनतारनमध्ये सीमा सुरक्षा दलांनी पुन्हा एकदा पाकिस्तानचे नापाक मनसुबे उधळून लावले आहेत. आंतरराष्ट्रीय सीमेवरून भारतीय हद्दीत घुसखोरी करणाऱ्या एका संशयित पाकिस्तानी ड्रोनला सीमा सुरक्षा दलाच्या (बीएसएफ) जवानांनी पाडले आहे. बीएसएफच्या एका अधिकाऱ्याने शनिवारी ही माहिती दिली. बीएसएफ अधिकाऱ्याने दिलेल्या माहितीनुसार, शुक्रवारी रात्री सीमा सुरक्षा दलाच्या जवानांना सीमेपलीकडून ड्रोन येत असल्याचा आवाज आला होता.

• Punjab | BSF troops intercepted & brought down a Pakistani drone (DJI Matrice 300 RTK) that violated Indian airspace in Lakhana village of Tarn Taran district: BSF Punjab Frontier pic.twitter.com/8xSywAbTKl

  — ANI (@ANI) June 24, 2023 " class="align-text-top noRightClick twitterSection" data="

  Punjab | BSF troops intercepted & brought down a Pakistani drone (DJI Matrice 300 RTK) that violated Indian airspace in Lakhana village of Tarn Taran district: BSF Punjab Frontier pic.twitter.com/8xSywAbTKl

  — ANI (@ANI) June 24, 2023

  ">

  Punjab | BSF troops intercepted & brought down a Pakistani drone (DJI Matrice 300 RTK) that violated Indian airspace in Lakhana village of Tarn Taran district: BSF Punjab Frontier pic.twitter.com/8xSywAbTKl

  — ANI (@ANI) June 24, 2023

पाकिस्तानी ड्रोन पाडले - ड्रोनच्या आवाजाच्या दिशेने बीएसएफ जवानांनी गोळीबार केला. काही वेळ गोळीबार केल्यानंतर ड्रोनचा आवाज बंद झाला. त्यानंतर बीएसएफ आणि पंजाब पोलिसांच्या जवानांनी संपूर्ण परिसर सील केला आणि संयुक्त शोध मोहीम सुरू केली. शोध मोहिमेदरम्यान जवानांना शनिवारी सकाळी लखना गावातील एका शेतात ड्रोन पडलेले दिसून आले. त्यानंतर ते जप्त केले आहे. बीएसएफने एका ट्विटमध्ये म्हटले आहे की, तरनतारन जिल्ह्यातील लखना गावात बीएसएफच्या जवानांनी भारतीय हवाई हद्दीचे उल्लंघन करणाऱ्या पाकिस्तानी ड्रोनला पाडले आहे. पाकिस्तानचे नापाक मनसुबे पुन्हा एकदा बीएसएफने हाणून पाडले आहेत.

बीएसएफने यापूर्वीही कारवाई केली - पाकिस्तान भारताच्या सीमावर्ती भागात ड्रोनद्वारे अंमली पदार्थांची तस्करी करत आहे. अनेकदा आपले सीमा सुरक्षा दलाचे जवान पाकिस्तानी ड्रोन पाडतात. याआधीही 22 जून रोजी सीमा सुरक्षा दलाने (बीएसएफ) पंजाबमधील फाजिल्का येथील अबोहर सीमेजवळ ड्रोन आणि दोन संशयित अंमली पदार्थांची पाकिटे जप्त केली होती. सीमा सुरक्षा दलाने गुरुवारी अधिकृत निवेदनात ही माहिती दिली.

2.6 किलो हेरॉइन जप्त : 14 जून रोजी बीएसएफच्या अधिकाऱ्यांनी सांगितले की, फिरोजपूर सीमेवर अंमली पदार्थांचे तीन पॅकेट जप्त करण्यात आले आहेत, माबोके गावात झडतीदरम्यान बीएसएफने ड्रोनने टाकलेल्या ब्लिंकर बॉलसह संशयित ड्रग्सची 3 छोटी पॅकेट असलेली एक काळी बॅग जप्त केली होती. या बॅगमधून 2.6 किलो हेरॉईन जप्त करण्यात आले होते.

हेही वाचा - Shehbaz Sharif Video : पाकिस्तानच्या पंतप्रधानांनी मुसळधार पावसात महिला अधिकाऱ्याची छत्री हिसकावली, व्हिडिओ व्हायरल