रुद्रपूर (उत्तराखंड) - गेल्या 7 दिवसांपासून क्वारंटाईन सेंटरमध्ये राहत असलेल्या एका तरुणाने पंख्याला लटकून आत्महत्या केली. हा घटनेमुळे जिल्हा प्रशासनात खळबळ उडाली आहे. प्रशासनाने या प्रकरणाची चौकशी सुरू केली आहे. खटीमा पोलिसांनी या तरुणाला 30 मार्चला क्वारंटाईन सेंटरमध्ये पाठवले होते.
युआयआरडीच्या एका गेस्ट हाऊसमध्ये बनविण्यात आलेल्या क्वारंटाईन सेंटरमध्ये पीलीभीतच्या पूरनपूर येथील युवकाला क्वारंटाइन केले होते. आज सकाळी सेंटरचा कर्मचारी युवकाला जेवण देण्यासाठी गेला असता ही घटना उघडकीस आली. घटनास्थळी आलेल्या डॉक्टरांनी तरुणाला मृत घोषित केले. जिल्हा प्रशासनाने या घटनेची माहिती मृत तरुणाच्या कुटुंबीयांना कळवली आहे.
