भोपाळ - मध्यप्रदेशच्या मंडलामधील रुग्णालयात एक विशेष बाब पहायला मिळाली. या रुग्णालयामध्ये डॉक्टर साहेबांच्या खुर्चीवर डॉक्टरांच्या ऐवजी चक्क एक कुत्र बसलेले दिसून आले. या रुग्णालयातील या 'डॉक्टर कुत्र्याचा' व्हिडिओ सध्या सोशल मीडियावर मोठ्या प्रमाणात व्हायरल होतो आहे.
राज्याच्या आरोग्य व्यवस्थेचा निष्काळजीपणा या व्हिडिओमध्ये समोर आला आहे. बह्मनीमधील सार्वजनिक आरोग्य केंद्रात एक व्यक्ती आपल्या इलाजासाठी गेला होता. यावेळी डॉक्टरांच्या कक्षात डॉक्टर तर नव्हतेच, मात्र त्याऐवजी तिथल्या खुर्चीवर एक भटके कुत्रे अगदी आरामत बसले होते, जणू तो कक्ष त्या कुत्र्याचाच असावा. हा प्रकार पाहताच त्या व्यक्तीने याचा व्हिडिओ रेकॉर्ड केला, जो आता सोशल मीडियावर व्हायरल होत आहे.
'ईटीव्ही भारत'ने जेव्हा याबाबत अधिक माहिती घेण्याचा प्रयन्त केला, तेव्हा समोर आले की, तेथील डॉक्टर के. सी. सरौते भोपाळला गेले होते. यावेळी रुग्णालयाच्या कर्मचाऱ्यांनी अधिक माहिती देण्यास नकार दिला. मात्र, हे नक्की, की हा व्हिडिओ याच रुग्णालयातील आहे.
हेही वाचा : चीन म्हणे 'अरूणाचल प्रदेश तिबेटचा भाग'; शाहांच्या दौऱ्याला केला विरोध
