वरवरा राव यांना न्यूरोलॉजिकल उपचारांसाठी नानावटी रुग्णालयात हलवले

तेलगू कवी वरवरा राव कोरोनाबाधित आढळले असून त्यांना न्यूरोलॉजिकल आणि यूरोलॉजिकल उपचारांसाठी नानावटी रुग्णालयात दाखल करण्यात आले आहे.

मुंबई - एल्गार परिषद प्रकरणी अटक करण्यात आलेले तेलगू कवी वरवरा राव कोरोनाबाधित आढळले आहेत. त्यांना न्यूरोलॉजिकल आणि यूरोलॉजिकल उपचारांसाठी नानावटी रुग्णालयात दाखल करण्यात आले आहे. वरवरा राव (वय 80) यांच्यावर गुरुवारपासून दक्षिण मुंबईतील राज्य सरकार संचलित सेंट जॉर्ज रुग्णालयात उपचार सुरू होते.

त्यांची प्रकृती स्थिर होती. मात्र, त्यांना न्यूरोलॉजिकल प्रॉब्लेम असल्याचे डॉक्टरांना उपचारादरम्यान आढळले. शुक्रवारी राज्य सरकारच्या जे.जे रुग्णालयातील न्यूरोलॉजिस्टांनी त्यांची तपासणी केली आणि त्याला डिलीरियम असल्याचे निदान झाले.

डेलीरियम ही मनाची एक गंभीरपणे विचलित करणारी अवस्था आहे. त्यामुळे न्यूरोलॉजिकल आणि यूरोलॉजिकल उपचारांची आवश्यकता असल्याने रविवारी पहाटेच्या सुमारास त्यांना खासगी नानावटी रुग्णालयात हलविण्यात आले.