लखनौ - उत्तर प्रदेशच्या दहशतवाद विरोधी पथकाने कारवाई करत, पाकिस्तानच्या संपर्कात असणाऱ्या एका देशद्रोह्याला अटक केली आहे. सौरभ उर्फ शिब्बू शुक्ला असे या देशद्रोह्याचे नाव आहे. देशविरोधी कारवायांना लागणारा पैसा भारतात आणण्यासाठी, पाकिस्तानी हँडलरच्या सांगण्यावरुन सौरभ भारतीय बँकांमध्ये खाती उघडायचा. असा त्याच्यावर आरोप आहे. यासोबतच त्याच्यावर २५ हजार रुपयांचे बक्षीस देखील होते.
मूळचा मध्य प्रदेशचा रहिवासी असलेला सौरभ बऱ्याच दिवसांपासून पाकिस्तानी हँडलर्सच्या संपर्कात होता. एटीएसने त्याला प्रयागराजमधून ताब्यात घेतले. याआधी मार्च महिन्यामध्येच एटीएसने पाकिस्तानमधून पैसे मागवणाऱ्या मोठ्या नेटवर्कचा पर्दाफाश केला होता. आता सौरभच्या अटकेने एटीएसला याप्रकरणात मोठे यश मिळाले आहे.
