अहमदाबाद- अमेरिकेचे राष्ट्राध्यक्ष डोनाल्ड ट्रम्प आज (सोमवारपासून) 36 तासांसाठी भारतभेटीवर येत आहेत. त्यांच्यासह त्यांच्या पत्नी मेलानिया याही येत आहेत. यानिमित्त अहमदाबाद येथे अभूतपूर्व सुरक्षा व्यवस्था तैनात केली आहे. ट्रम्प हे विमानतळावरुन निघाल्यानंतर ‘रोड शो’मध्ये त्यांचे रस्त्याच्या दुतर्फा लाखो लोक स्वागत करणार आहेत.
अमेरिकेचे राष्ट्राध्यक्ष आजपासून भारत दौऱ्यावर
अहमदाबादमध्ये होणारा मोदी व ट्रम्प यांचा रोड शो व त्यानंतर मोटेरा स्टेडियममध्ये होणारा ‘नमस्ते ट्रम्प’ हा कार्यक्रम हे दौऱ्याचे आकर्षण असणार आहे. त्यासाठी मोठी जय्यत तयारी करण्यात आली आहे. त्यांचा ताफा जाणाऱ्या रस्त्याच्या दुतर्फा ‘नमस्ते ट्रम्प’! अशा आशयाचे फ्लेक्स लावण्यात आले आहेत.
