- लखनऊ - उत्तर प्रदेशातील बलरामपूर जिल्ह्यात दलित तरुणीवर चौघांनी बलात्कार केला होता. गंभीर जखमाी झाल्याने तिचा मृत्यू झाला होता. या तरुणीचा शवनिच्छेदनाचा अहवाल आला आहे. तिच्या शरिरावर गंभीर जखमा असून तिला विष देण्यात आल्याचे अहवालात म्हटले आहे. तरुणीवर बलात्कार झाल्याचेही अहवालात स्पष्ट झाले आहे.
सविस्तर वाचा : उत्तरप्रदेश: बलात्कार पीडितेच्या अंगावर गंभीर जखमा, विष दिल्याचं शवविच्छेदन अहवालात स्पष्ट
- नवी दिल्ली - हाथरस सामूहिक बलात्कार आणि हत्या प्रकरणाचे संपूर्ण देशात पडसाद उमटत आहेत. आज(शनिवार) काँग्रेस नेते राहुल गांधी आणि प्रियंका गांधी हाथरस पीडित कुटुंबीयांची भेट घेण्यास उत्तरप्रदेशला निघाले आहेत. मात्र, दिल्ली उत्तर प्रदेश सीमेवर मोठ्या प्रमाणात पोलिसांचा ताफा तैनात करण्यात आला आहे. सीमेवर काँग्रेस कार्यकर्त्यांनीही मोठ्या प्रमाणात गर्दी केली आहे. हाथरसमधील दलित तरुणीवर गावातील चौघा सवर्ण तरुणांनी बलात्कार केला तसेच तिला गंभीर जखमी केले. या तरुणीचा उपचारादरम्यान मृत्यू झाला. त्यानंतर देशभरात या घटनेवरून आंदोलन सुरू झाले आहे. उत्तर प्रदेश पोलीस आणि सरकार विरोधक टीका करत आहेत.
सविस्तर वाचा : प्रियंका, राहुल गांधींनी हाथरस पीडित कुटुंबीयांची घेतली भेट, सुमारे एक तास चर्चा
- मुंबई - राज्यात आज (दि. 3 ऑक्टोबर) कोरोना 14 हजार 348 नव्या कोरोनाग्रस्तांची वाढ झाली आहे. तर 278 रुग्णांचा मृत्यू झाला आहे. यामुळे राज्यातील एकुण कोरोनाग्रस्तांचा आकडा 14 लाख 30 हजार 861 वर पोहचला असून मृतांचा एकुण आकडा 37 हजार 758 वर पोहोचला आहे. राज्यातील रुग्ण बरे होण्याचे प्रमाण 79.3 टक्के तर मृत्यूचा दर 2.64 टक्के इतका आहे.
सविस्तर वाचा : राज्यात 14 हजार 348 नव्या कोरोनाग्रस्तांची भर, बाधितांचा एकूण आकडा 14 लाख 30 हजारांवर
- बीड - मराठा आरक्षणाला स्थगिती मिळाल्यामुळे व नीट परीक्षेमध्ये कमी गुण मिळाल्याने मेडिकलला नंबर लागणार नाही, अशा आशयाची चिठ्ठी केतुरा येथील तरुणाने लिहून आत्महत्या केल्याचे समोर आले होते. त्यामुळे राज्यात खळबळ माजली होती. मात्र ही व्हायरल झालेली चिठ्ठी बनावट असल्याचे हस्ताक्षर तज्ज्ञांनी दिलेल्या अहवालावरून स्पष्ट झाले आहे. याविषयी जिल्हा पोलीस अधीक्षक राजा रामास्वामी यांनी ती चिठ्ठी बनावट असल्याचा खुलासा केला आहे.
सविस्तर वाचा : विवेकची आत्महत्या आरक्षणासाठी नाही; 'ती' चिठ्ठी बनावट असल्याचा पोलिसांकडून खुलासा
- मुंबई - कोरोनाचा प्रादुर्भाव असल्याने गेले सहा महिने बंद असलेले हॉटेल, रेस्टॉरंट, बार ५० टक्के क्षमतेने सुरू करण्यास ५ ऑक्टोबरपासून राज्य सरकारने परवानगी दिली आहे. त्यासाठी राज्य सरकारने नियमावली व मार्गदर्शक तत्वे जाहीर केली आहेत.
सविस्तर वाचा : ५ ऑक्टोबरपासून हॉटेल, रेस्टॉरंट, बार सुरू करण्यासाठी सरकारकडून नियमावली जाहीर
- पाटणा - बिहार विधानसभेचं रणशिंग फुंकण्यात आलंय. तारखा जाहीर झाल्यानंतर कोरोना काळात नेत्यांची जनतेपर्यंत पोहचण्याची धडपड सुरू झालीय. आज बिहार विधानसभा निवडणुकांसाठी महागठबंधनमध्ये जागावाटप झाले असून राष्ट्रीय जनता दल 144, काँग्रेस 70 आणि डावे पक्ष 29 जागांवर लढणार आहेत. यावेळी सर्वच पक्षाचे प्रतिनिधी उपस्थित होते. याचबरोबर तेजस्वी यादव मुख्यमंत्रीपदाचे दावेदार असणार असून यावर सर्व पक्षांनी सहमती दर्शवली आहे.
सविस्तर वाचा : बिहार निवडणूक : महागठबंधनचा जागावाटपाचा तिढा सुटला; पाहा कुणाच्या पदरात किती जागा...
- बालासोर - पूर्व लडाखमध्ये चीनबरोबर वाढत्या संघर्षाच्या पार्श्वभूमीवर भारताने शनिवार शौर्य क्षेपणास्त्राच्या नव्या आवृत्तीचे यशस्वी परीक्षण केले. सूत्रांकडून मिळालेल्या माहितीनुसान या क्षेपणास्त्रामध्ये जमिनीवरून जमिनीवर मारा करण्याची क्षमता आहे. ओडिशा राज्यातील बालासोरमध्ये या क्षेपणास्त्राचे परीक्षण करण्यात आले.
सविस्तर वाचा : भारताकडून 'शौर्य' क्षेपणास्त्राच्या नव्या आवृत्तीचे यशस्वी परीक्षण, ८०० किमी दूरपर्यंत शत्रूंना पाजणार पाणी
- कोल्हापूर - काही तरी पदरात पडतेय म्हणून केंद्राचे आरक्षण घ्या. असे सांगितले जात आहे. असे सांगणाऱ्यांनी इडब्लूएस(आर्थिदृष्ट्या मागास) आरक्षणामुळे मराठा समाजाच्या आरक्षणाला धक्का बसणार नाही, असे लेखी देण्याचे आवाहन खासदार युवराज संभाजीराजे छत्रपती यांनी केले. आज सकल मराठा समाजाच्यावतीने मराठा आरक्षण संघर्ष यात्रेचे आयोजन करण्यात आले होते. त्यावेळी ते भुदरगड तालुक्यातील पाटगाव येथे बोलत होते.
सविस्तर वाचा : 'इडब्लूएसचे समर्थन करणाऱ्यांनी मराठा समाजाचे नुकसान होणार नसल्याचे लेखी द्यावे'
- मुंबई - अभिनेता संजय मिश्रा अलिकडेच वाराणसीमध्ये एका आश्रमात थांबला होता. 'बहुत हुआ सन्मान' या चित्रपटाच्या शूटिंगच्या वेळी तपश्वी जीवनशैली अनुभवण्यासाठी त्याला ही संधी मिळाली. या चित्रपटात राघव जुयाल, अभिषेक चौहान, राम कपूर, निधि सिंह आणि नमित दास यांच्या प्रमुख भूमिका आहेत.
सविस्तर वाचा : 'बहुत हुआ सन्मान'साठी वाराणसीच्या आश्रमात राहिला संजय मिश्रा
- अबुधाबी - यंदाच्या आयपीएलचा 'डबल हेडरचा' पहिला सामना रॉयल चॅलेंजर्स बंगळुरू (आरसीबी) आणि राजस्थान रॉयल्स (आरआर) यांच्यात खेळवण्यात येत आहे. राजस्थानने प्रथम फलंदाजी करत बंगळुरूसमोर विजयासाठी १५५ धावांचे लक्ष्य ठेवले. आयपीएलमध्ये भन्नाट फॉर्मात असलेला संजू सॅमसन या सामन्यात ४ धावांवर बाद झाला. युझवेंद्र चहलने त्याला झेलबाद केले. मात्र, या झेलबद्दल वाद निर्माण होत आहे.
सविस्तर वाचा : VIDEO : संजू सॅमसन बाद की नाबाद? तुम्हीच ठरवा
