- नवी दिल्ली - भारतातील कोरोना संसर्गाच्या रुग्णांमध्ये दिवसेंदिवस वाढ होत आहे. गेल्या 24 तासात देशात एकूण 3 हजार 967 नवे रुग्ण आढळून आले आहेत. तर 100 जण दगावले आहेत. महाराष्ट्र, गुजरात आणि दिल्लीमध्ये कोरोनाचे सर्वात जास्त रुग्ण आढळून आले आहेत.
सविस्तर वाचा - COVID-19 : गेल्या 24 तासात आढळले 3 हजार 967 कोरोनाबाधित, तर 100 जण दगावले
- मुंबई - राज्यभरात बंदोबस्तावर असलेल्या पोलिसांमधील कोरोनाचे संक्रमण वाढले आहे. राज्य पोलीस दलातील १०६१ कर्मचाऱ्यांना कोरोनाची लागण झाली असून यामध्ये ११२ अधिकाऱ्यांचा समावेश आहे. यामधील १७४ कर्मचारी पूर्णपणे बरे झाले असून त्यांना डिस्चार्ज देण्यात आलाय. तसेच एकूण बाधितांपैकी आजवर नऊ जणांचा मृत्यू झाला आहे. गृहमंत्रालयाने यासंदर्भात अधिक माहिती दिली आहे.
सविस्तर वाचा - राज्यभरात १०६१ पोलीस कोरोना'पॉझिटिव्ह'; ११२ अधिकाऱ्यांचा समावेश
- नाशिक - कायदा सुव्यवस्था राखणाऱ्या पोलीस दलात भीतीचे वातावरण दिवसेंदिवस वाढत चालले आहे. सर्वसामान्य नागरिकांना कोरोनाची लागण होत असताना दुसरीकडे पोलीस दलातही दिवसागणिक बाधितांची वाढ होत असल्याने पोलीस दल पूर्णतः हादरून गेले आहे. मात्र, अद्यापही पोलिसांना हवी तशी सुरक्षा मिळत नसल्याने पोलिसांमध्ये नाराजी आहे.
सविस्तर वाचा - मालेगावात पोलीस जीव धोक्यात घालून बजावतोय कर्तव्य, चांगल्या सुरक्षा साधनांचा अभावच..
- लखनऊ - उत्तर प्रदेशच्या जौनपूरमध्ये स्थलांतरीत मजूरांना घेऊन जात असलेल्या ट्रकचा अपघात झाला आहे. यामध्ये एका मजूराचा मृत्यू झाला असून, सहा मजूर जखमी झाल्याची प्राथमिक माहिती मिळाली आहे.
सविस्तर वाचा - स्थलांतरीत मजूरांना घेऊन निघालेला ट्रक पलटला; एकाचा मृत्यू, सहा जखमी..
- नवी दिल्ली - कोरोना महामारीचे संकट आणि टाळेबंदीने देशाची अर्थव्यवस्था ढासळत असताना जागतिक बँकेने भारतासाठी मोठा दिलासादायक निर्णय घेतला आहे. जागतिक बँक भारताला १ अब्ज डॉलरची मदत करणार आहे.
सविस्तर वाचा - जागतिक बँकेचा भारताला मदतीचा हात; एवढे देणार अर्थसहाय्य
- नवी दिल्ली - दिल्लीच्या नॉर्थवेस्ट भागामध्ये आज सकाळी साडेअकराच्या दरम्यान भूकंपाचे धक्के जाणवले. २.२ रिश्टर स्केलचा हा भूकंप होता. तसेच, जमीनीच्या १३ किलोमीटर खाली याचे केंद्रस्थान होते, अशी माहिती राष्ट्रीय भूगर्भशास्त्र विभागाने दिली आहे.
सविस्तर वाचा - दिल्लीला पुन्हा भूकंपाचा सौम्य धक्का..
- नवी दिल्ली - कोरोनाच्या संकटकाळात दिलासा देण्यासाठी केंद्रीय अर्थमंत्री निर्मला सीतारामन या आर्थिक पॅकेजच्या तिसऱ्या टप्प्याची घोषणा आज सायंकाळी ४ वाजता करणार आहेत. सीतारामन यांनी गुरुवारी स्थलांतरित मजूर, रस्त्यावर व्यवसाय करणारे विक्रेते, लघू व्यापारी व लहान शेतकऱ्यांसाठी दिलासादायक घोषणा केल्या आहेत.
सविस्तर वाचा - आर्थिक पॅकेजच्या तिसऱ्या टप्प्याची केंद्रीय अर्थमंत्री आज करणार घोषणा
- संयुक्त राष्ट्रसंघ - जागतिक व्यापार संघटनेचे (डब्ल्यूटीओ) संचालक रॉबर्टो अॅझेवेडो यांनी अचानक राजीनामा देत असल्याची घोषणा केली आहे. कोरोना महामारीमुळे जागतिक व्यापार संकटात असल्याचे डब्ल्यूटीओवर सातत्याने टीका होत आहे.
सविस्तर वाचा - कोरोनाच्या संकटात टीकेचे धनी झालेल्या डब्ल्यूटीओच्या प्रमुखांचा राजीनामा
- नवी दिल्ली - जगभरामध्ये कोरोना संकटाने थैमान घातले असून भारतामध्ये रुग्णाच्या संख्येत झपाट्याने वाढ झाली आहे. कोरोनावर मात करण्यासाठी देशभरामध्ये लॉकडाऊन करण्यात आले आहे. यापार्श्वभूमीवर पंतप्रधान नरेंद्र मोदी यांनी मायक्रोसॉफ्ट कंपनीचे मालक आणि सह-संस्थापक बिल गेट्स यांच्याशी संवाद साधला.
सविस्तर वाचा - कोरोना महामारीवर पंतप्रधान मोदींची बिल गेट्स यांच्याशी चर्चा
- वॉशिंग्टन डी. सी - जगभरात कोरोनाच्या प्रसारास चीन जबाबदार असल्याचे वक्तव्य अमेरिकेचे अध्यक्ष डोनाल्ड ट्रम्प यांनी अनेक वेळा केले आहे. यातच अमेरिकेचे परराष्ट्रमंत्री माईक पॉम्पिओ यांनी चीनवर मोठा आरोप केला आहे. अमेरिकेने कोरोना विषाणूवर केलेल्या संशोधनातील डेटा चीन चोरत असल्याचा आरोप माईक पॉम्पिओ यांनी केला आहे.
सविस्तर वाचा - कोरोना संशोधनावरील डेटा चोरी करण्याचा चीनचा प्रयत्न; अमेरिकेचा आरोप
