मध्यप्रदेशात ट्रकची बोलेरोला धडक, एकाच गावातील 3 जणांचा जागीच मृत्यू

मध्य प्रदेशातील कटनी येथे झालेल्या ट्रक आणि बोलेरोच्या अपघातामध्ये एकाच गावातील 3 जणांचा मृत्यू झाला आहे. तर 4 जण जखमी झाले आहेत. त्यांच्यावर सध्या रुग्णालयात उपचार सुरू असून त्यांची परस्थिती गंभीर आहे.

भोपाळ - कटनी जिल्ह्यात रात्री उशिरा कटनी-उमरिया रस्त्यावर ट्रक आणि बोलेरो जीप जोरदार धडक झाली. यामध्ये जागीच 3 जणांचा मृत्यू झाला आहे. तर 4 जण जखमी झाले आहेत. त्यांच्यावर रुग्णालयात उपचार सुरु आहेत. घटनेनंतर ट्रक चालक घटनास्थळावरून फरार झाला आहे. पोलीस या चालक आरोपीचा शोध घेत आहेत.

हेही वाचा - उद्योगपती अनिल अंबानी दिवाळखोरीच्या मार्गावर; चीनी बँकांचे कर्ज फेडण्यास असमर्थ

या अपघातामध्ये मोहन सिंग आणि रवि पटेल या दोन तरुणांचा जागीच मृत्यू झाला. तर एकाला पोलिसांच्या मदतीने उपचारासाठी कटनी येथे आणले जात असताना वाटेत याचा युवकाचा मृत्यू झाला. या घटनेमुळे जगतपूर उमरिया गावावर शोककळा पसरली आहे.

याबाबत अधिक माहिती अशी की, उमरिया रस्त्यावर पठाराजवळ झालेल्या या अपघातात एकाच गावातील 3 जणांचा मृत्यू झाला आहे. यामधील जखमींची परिस्थिती सध्या गंभीर आहे. अपघातातील लोक बडवारा पोलीस ठाण्याच्या परिसरातील जगतपूर उमरिया या गावातील आहेत. हे सर्वजण कटनी येथे कार्यक्रमासाठी गेले होते. तेथून परत आपल्या घरी परतत असताना उमरिया रस्त्यावर त्यांच्या बोलेरो जीपला औषधांनी भरलेल्या ट्रकने धडक दिली. यामध्ये 3 जणांचा जागीच मृत्यू झाला.

हेही वाचा - दिल्ली विधानसभेच्या 70 जागांसाठी आज मतदान, दिग्गजांची प्रतिष्ठा पणाला