...आता चर्चा मुंबईत ! 'डिसेंबर उजाडण्यापूर्वी राज्यात होणार सरकार स्थापन'

तीनही पक्षांचा निर्णय पक्का झालेला आहे. आम्हाला राज्यातील सरकार पाच वर्षे चालवायचे आहे. तसेच सत्ता स्थापनेबाबतच्या सर्व चर्चा आता या पुढे मुंबईत होणार असल्याचे, शिवसेना खासदार संजय राऊत यांनी म्हटले आहे.

नवी दिल्ली - काँग्रेस आणि राष्ट्रवादी काँग्रेस यांच्यात बुधवारी झालेली बैठक ही किमान समान कार्यक्रम यासाठी होती. शिवसेना, काँग्रेस आणि राष्ट्रवादी या तीनही पक्षांचा निर्णय पक्का झालेला आहे. राज्यात लवकरच महाशिवआघाडीचे सरकार बनेल, अशी माहिती खासदार संजय राऊत यांनी पत्रकार परिषदेत दिली.

• Sanjay Raut, Shiv Sena: The process to form government has started. It will be completed before December 1. All three parties will hold meeting in Mumbai pic.twitter.com/vnxhUEKQpx

  — ANI (@ANI) November 21, 2019 " class="align-text-top noRightClick twitterSection" data="

  Sanjay Raut, Shiv Sena: The process to form government has started. It will be completed before December 1. All three parties will hold meeting in Mumbai pic.twitter.com/vnxhUEKQpx

  — ANI (@ANI) November 21, 2019

  ">

  Sanjay Raut, Shiv Sena: The process to form government has started. It will be completed before December 1. All three parties will hold meeting in Mumbai pic.twitter.com/vnxhUEKQpx

  — ANI (@ANI) November 21, 2019

हेही वाचा.. मोदी-पवार बैठक पूर्ण, ४५ मिनिटे सुरू होती चर्चा..

डिसेंबर उजाडण्यापूर्वी राज्यात शिवसेनेच्या नेतृत्वात सरकार स्थापन होईल

डिसेंबरच्या पहिल्या आठवड्यात राज्यात शिवसेनेच्या नेतृत्वातील सरकार स्थापन होईल. बुधवारी आघाडीतील पक्षांची दिल्लीत बैठक झाली, त्यावेळी महत्वाच्या नेत्यांनी उद्धव ठाकरे यांच्या बरोबर फोनवरून चर्चा केली आहे. तसेच त्यांच्यात झालेली बैठक ही किमान समान कार्यक्रमावर झाली होती, असे काँग्रेस राष्ट्रवादीच्या नेत्यांनीही बैठकीनंतर सांगितले आहे. तसेच ही बैठकी सकारात्मक झाली असून, लवकरच अंतिम निर्णयापर्यंत तीनही पक्ष पोहोचतील. आणि डिसेंबर उजाडण्यापूर्वी शिवसेनेच्या नेतृत्वात राज्यात मजबूत सरकार स्थापन होईल, असा विश्वास राऊत यांनी व्यक्त केला.

हेही वाचा... 'डिसेंबरच्या पहिल्या आठवड्यामध्ये शिवसेनेच्या नेतृत्वातील सरकार स्थापन होईल'

राष्ट्रवादीला अडीच-अडीच मुख्यमंत्री पदाबाबत कोणतीही चर्चा नाही

राष्ट्रवादीचे अध्यक्ष शरद पवार यांना आपण भेटणार आहोत. तसेच तीन पक्षांचा निर्णय पक्का झालेला आहे आणि महाराष्ट्राच्या हितासाठी ते एकत्र येणार आहे. तसेच तीनही पक्षांची संयुक्त बैठक मुंबईत होणार आहे. मात्र, सरकारमधील पदवाटपाबाबत अद्याप कोणतीही चर्चा झालेली नाही. राष्ट्रवादी काँग्रेसला अडीच वर्षे मुख्यमंत्री देण्याबाबतही अद्याप कोणतीच चर्चा झालेली नाही. मात्र, काँग्रेस, राष्ट्रवादी आणि शिवसेना एकत्र येत हे राज्य चालवणार आहे, असे राऊत यावेळी म्हणाले. यापुढील सर्व निर्णय हे उद्धव ठाकरे यांच्या नेतृत्वाखाली घेतले जाणार आहेत, असेही ते म्हणाले.

हेही वाचा... पंतप्रधान मोदींच्या भेटीनंतर पवारांनी केले टि्वट, म्हणाले...'शेतकऱ्यांच्या समस्यांवर मोदींशी केली चर्चा'