बंगळुरू - कर्नाटकच्या बंडखोर आमदारांचा पुन्हा नवा एक व्हिडिओ समोर आला आहे. या व्हिडिओमध्ये 11 बंडखोर आमदार दिसत आहेत. तर यावेळी त्यांनी आम्ही कोणत्याही दबावाखाली किंवा पैशासाठी आम्ही राजीनामा दिला नसल्याचे म्हटले.
कुमारस्वामी सरकारची अग्निपरीक्षा! बहुमतचाचणीला उपस्थित राहणार नाही; बंडखोर आमदारांचा व्हिडीओ समोर
त्याबरोबरच स्वाभिमान जपण्यासाठी राजीनामा दिला असून सोमवारी होणाऱ्या बहुमत चाचणीलाही उपस्थित राहणार नसल्याचा पुनरुच्चार या आमदारांनी केला आहे.
काय म्हणतात बंडखोर आमदार -
जेडीएस आणि काँग्रेसच्या ज्या 15 आमदारांनी राजीनामे दिले आहेत. त्यांना काल सर्वोच्च न्यायालयाकडून दिलासा मिळाला. आज बहूमत चाचणीसाठी त्यांना विधानसभेत उपस्थित राहण्याची गरज नाही. बहुमत चाचणीच्या पार्श्वभूमीवर या आमदारांनी कोणत्याही परिस्थितीत निर्णय बदलणार नसल्याचे म्हटले आहे.
