नवी दिल्ली - न्यायालयाच्या आदेशानुसार तोडण्यात आलेल्या संत रविदास महाराज यांच्या मंदिरांच्या पुनः निर्माणासाठी नवी दिल्लीत रविवारी पून्हा निदर्शने करण्यात आली आहेत. यावेळी भीम आर्मीला मुस्लीम संघटनांचा देखील पाठिंबा मिळाला.
हेही वाचा... चंद्रशेखर आझाद यांच्या अटकेचे अमरावतीत पडसाद; भीम आर्मीकडून मोदी सरकारचा निषेध
दिल्ली येथील तुघलकाबाद येथे असणारे सहाशे वर्षांपूर्वीचे गुरु रविदास यांचे मंदिर दिल्ली सरकारने तोडले आहे. चर्मकार समाजाचे आराध्य दैवत थोर संत शिरोमणी गुरु रविदास महाराज यांचे तुगलकाबाद दिल्ली येथील मंदिर दिल्ली प्रशासनाने पाडले होते, हे मंदिर पुन्हा तिथेच निर्माण करावे, यासाठी राष्ट्रीय चर्मकार महासंघ, भीम आर्मी यांनी जोरदार संघर्ष केला आहे. यानंतर भीम आर्मीचे संस्थापक चंद्रशेखर यांच्या सहित 95 लोकांना पोलिसांनी पकडले आहे.
हेही वाचा... संत रविदास महाराज मंदिराची जमीन परत करा; चर्मकार महासंघाचा मोर्चा
रविवारी पुन्हा एकदा दिल्ली सरकार विरोधात निदर्शने करण्यात आली, यावेळी मुस्लिम संघटनांचे लोक देखील उपस्थित होते. मुख्यत: सर्वोच्च न्यायालयाचे वकील महमूद पराचा हे यावेळी सामील झाले होते. यावेळी महमूद पराचा म्हणाले की, "आज आपण एक प्रतिकात्मक प्रदर्शन करत आहोत. या अगोदर ज्यांना निदर्शने केल्यानंतर पकडले आहे, त्यांना लवकरच सोडण्यात यावे. तसेच गुरू रविदास यांचे मंदिर लवकरात लवकर पुन्हा बांधावे, अशी मागणी पराचा यांनी केली.
हेही वाचा... संत शिरोमणी गुरु रविदास महाराज मंदिर निर्माणासाठी राष्ट्रीय चर्मकार महासंघाच्यावतीने बुलडाण्यात धरणे आंदोलन
