हरयाणाच्या आरोग्यमंत्र्यांनी घेतला कोव्हॅक्सिनचा डोस

आज देशभरातील 20 रिसर्च सेंटरमध्ये 25 हजारपेक्षा जास्त स्वयंसेवकांना कोरोना प्रतिबंधक लसीचा डोस दिला जात आहे. यात हरयाणाचे आरोग्यमंत्री अनिल विज यांनी स्वत:वर या लसीची चाचणी केली.

अंबाला - भारत बायोटेक या हैदराबादची फार्मा कंपनीकडून कोव्हॅक्सिनच्या तिसऱ्या टप्प्यातील चाचण्या रोहतक, हैदराबाद आणि गोवा येथे सुरू झाल्या आहेत. हरयाणाचे आरोग्यमंत्री अनिल विज यांनी या लसचाचणीत स्वयंसेवक म्हणून सहभाग घेतला. रोहतक येथील रुग्णालयात त्यांनी स्वतः लस टोचून घेतली. यासंदर्भात त्यांनी टि्वट करून माहिती दिली.

आज देशभरातील 20 रिसर्च सेंटरमध्ये 25 हजारपेक्षा जास्त स्वयंसेवकांना कोरोना प्रतिबंधक लसीचा डोस दिला जात आहे. 20 सेंटरपैकी एक सेंटर रोहतकमध्ये आहे. पहिल्या टप्प्यात 375 तर, दुसऱ्या टप्प्यात 380 स्वयंसेवकांना लस देण्यात आली आहे. आता तिसऱ्या टप्प्यामध्ये 25 हजारपेक्षा जास्त स्वयंसेवकांना लसीचा डोस देण्यात येणार आहे.

• I Will be administered trial dose of Coronavirus vaccine #Covaxin a Bharat Biotech product Tomorrow at 11 am at Civil Hospital, Ambala Cantt under the expert supervision of a team of Doctors from PGI Rohtak and Health Department. I have volunteered to take the trial dose.

  — ANIL VIJ MINISTER HARYANA (@anilvijminister) November 19, 2020 " class="align-text-top noRightClick twitterSection" data="

  I Will be administered trial dose of Coronavirus vaccine #Covaxin a Bharat Biotech product Tomorrow at 11 am at Civil Hospital, Ambala Cantt under the expert supervision of a team of Doctors from PGI Rohtak and Health Department. I have volunteered to take the trial dose.

  — ANIL VIJ MINISTER HARYANA (@anilvijminister) November 19, 2020

  ">

  I Will be administered trial dose of Coronavirus vaccine #Covaxin a Bharat Biotech product Tomorrow at 11 am at Civil Hospital, Ambala Cantt under the expert supervision of a team of Doctors from PGI Rohtak and Health Department. I have volunteered to take the trial dose.

  — ANIL VIJ MINISTER HARYANA (@anilvijminister) November 19, 2020

कोव्हॅक्सिन लस -

कोव्हॅक्सिन ही कोरोनावरील लस हैदराबादमधील भारत बोयोटेक कंपनी, राष्ट्रीय विषाणू संस्था (एनआयव्ही) आणि आयसीएमआरच्या सहकार्याने तयार करण्यात आली आहे. भारत बायोटेककडून कोरोनावरील लसीचे देशात मोठ्या प्रमाणात उत्पादन घेण्यात येणार आहे. भारतामधून कोरोनावरील लसीचे उत्पादन कमी दरात होऊ शकते, असा जगभरातील अनेक देशांना विश्वास आहे. कोरोनासाठी जगभरात सध्या १४५हून अधिक लसींची निर्मिती करण्यात येत आहे. यापैकी केवळ २० लसींना मानवी चाचणी करण्याची परवानगी मिळाली आहे.

हेही वाचा - 'केसीआर' मोदींच्या तालावर नाचतात; तेलंगाणा काँग्रेसची टीका