श्रीनगर - जम्मू-काश्मिरमध्ये कलम ३७० लागू केल्यापासून इंटरनेट सेवा बंद करण्यात आलेली आहे. इंटरनेट सेवा बंद झाल्यामळे दैनंदिन कामकाजही रखडले आहे. त्यामुळे राष्ट्रिय पँथर पक्षाकडून इंटरनेट सेवा सुरू करावी, या मागणीसाठी आंदोलन करण्यात येत आहे. यंग पँथर्सचे प्रदेशाध्यक्ष यशपाल कुंडल यांनी याबाबत आपल्या मागण्या सांगितल्या आहेत.
काय आहेत मागण्या -
- इंटरनेट सेवा लवकरात लवकर सुरू करावी या मुख्य मागणीसाठी राष्ट्रीय पँथर पक्षाकडून आंदोलन छेडण्यात आले आहे.
- इंटरनेट सेवा बंद असल्यामुळे विद्यार्थ्यांना अडथळा निर्माण झाला आहे. बँकांचेही काम सुरळीत सुरू राहण्यासाठी इंटरनेट सेवा सरू करण्यात यावी, अशी मागणी पक्षाच्या वतीने करण्यात आली आहे.इंटरनेट सेवा सुरू करण्यासाठी जम्मू काश्मिरमध्ये राष्ट्रीय पँथर आक्रमक
जम्मू काश्मीरमध्ये दहशतवादी हल्ल्यात ४ जण जखमी -
दरम्यान, जम्मू काश्मीरमधील सोपोरे जिल्ह्यात गोळीबार करत दहशतवादी हल्ला करण्यात आला. या हल्ल्यात एका लहान मुलीसोबत चौघे जखमी झाले आहेत. जम्मू काश्मीर पोलिसांनी ट्विट करत याविषयी माहिती दिली आहे की, 'दहशतवाद्यांचे हे निर्दयी कृत्य आहे. दहशतवाद्यांनी सोपोरमधील डांगेरपोरा येथे गोळीबार केला असून यामध्ये लहान मुलगी उस्मा जान हिच्यासहीत चौघे जखमी झाले आहेत'.
