नवी दिल्ली - कोरोनाच्या संकट काळातही उत्तर दिल्ली महापालिकेच्या शिक्षकांना पगार मिळत नसल्याची बाब समोर आली आहे. गेले तीन महिने सुमारे 80 हजार शिक्षकांना पगार मिळालेला नाही. अखेर शिक्षक संघटनेने केंद्रीय गृहमंत्री अमित शाह यांना पत्र लिहून पगाराची मागणी केली आहे.
महानगरपालिका शिक्षक संघटनेचे महासचिव रामनिवास सोलंकी म्हणाले, की पगारासाठी न्यायालयालाही विनंती केली होती. त्यानंतर आज केंद्रीय गृहमंत्री अमित शाह यांना मदतीसाठी पत्र लिहिलेले आहे. कोरोनाच्या संकटात सर्व शिक्षक बारा तास काम करत आहेत. गरीबांना रेशन देणे आणि स्थलांतरित मजुरांनाही मदत, अशी कामे करीत आहेत. कोरोना उपचार केंद्रातही शिक्षकांकडून मदत करण्यात येत आहे.
