Baba Ramdev Holi Of Flowers : बाबा रामदेवांनी शिष्यांसह खेळली फुलांची होळी

बाबा रामदेव यांच्या पतंजली योगपीठाची होळी खास आहे. यावेळी पतंजली विद्यापीठाच्या क्रीडा मैदानातही विशेष होळीचे आयोजन करण्यात आले होते. या कार्यक्रमाला 'होलिकोत्सव यज्ञ'असे नाव देण्यात आले. योगगुरू बाबा रामदेव आणि पतंजली विद्यापीठाचे कुलगुरू आचार्य बालकृष्ण यांनी यक्ष पूर्ण केल्यानंतर फुलांची होळी खेळली. कार्यक्रमस्थळी उपस्थित सर्व विद्यार्थी व साधक फुलांच्या होळीच्या रंगात रंगून गेले होते.

उत्तराखंड : भारतात सर्वत्र रंगपंचमी खेळली जात आहे. लहान्यांपासुन मोठ्यांपर्यंत सगळे होळीच्या रंगात दंग झाले आहेत. अश्यातच हरिद्वार येथील पतंजली विद्यापीठाच्या क्रीडा मैदानात विद्यापीठाचे कुलपती स्वामी रामदेव आणि कुलगुरू आचार्य बाळकृष्ण यांच्या उपस्थितीत 'होलिकोत्सव यज्ञ' आयोजित करण्यात आला होता. यामध्ये बाबा रामदेव आणि आचार्य बालकृष्ण यांनी उपस्थित सर्व मुलांसह आणि भाविकांसह होळी साजरी केली आणि फुलांची होळी खेळून सर्व देशवासियांना शुभेच्छा दिल्या.

बाबा रामदेवांनी शिष्यांसह खेळली फुलांची होळी

पतंजली योगपीठावर फुलांची होळी : होळी उत्सवात पतंजली विद्यापीठ, पतंजली आयुर्वेद महाविद्यालय, पतंजली गुरुकुलम, आचार्यकुलम, पतंजली संन्यासाश्रमचे विद्यार्थी, शिक्षक, कर्मचारी, भिक्षू बांधव आणि साध्वी उपस्थित होत्या. यादरम्यान स्वामी रामदेव यांनी प्रत्येकाला आत्मवृद्धी, आत्मविस्मरण, आत्मसंमोहन इत्यादी गोष्टी होऊ देऊ नका, असे आवाहन केले. सदैव तुमच्या खऱ्या मार्गावर, सनातनच्या मार्गावर, वेदांच्या मार्गावर, सत्याच्या मार्गाने पुढे जात राहा.