गुजरात - गुजरातमधील अपक्ष आमदार आणि दलित नेते जिग्नेश मेवाणी ( MLA Jignesh Mevani news ) यांना बुधवारी रात्री उशिरा आसाम पोलिसांनी अटक ( Assam Police Arrest Jignesh Mevani ) केली. मेवाणी यांना काल 11.30 च्या सुमारास गुजरातच्या पालमपूर सर्किट हाऊस येथून अटक ( MLA Jignesh Mevani arrest news ) करण्यात आली. मेवाणी यांना काल रात्री अहमदाबाद येथे नेण्यात आले आणि आज त्यांना आसामला नेण्यात येणार असल्याचे समजले आहे.
हेही वाचा - Delhi BJP leader shot dead : दिल्लीतील भाजप नेत्याची गोळ्या झाडून हत्या; पोलिसांकडून तपास सुरू
मेवाणी यांना अटक का करण्यात आली? हे स्पष्ट नाही. मात्र, मेवाणी यांच्या ट्विटर अकाउंटवरील त्यांच्या ट्विट्सवर कारवाई झाल्याचे दिसून येत आहे. त्याचबरोबर, आसाममध्ये जिग्नेश मेवाणी यांच्यावर गुन्हा दाखल झाला आहे. मात्र, पोलिसांनी अद्याप एफआयआरची प्रत दिलेली नाही. यावर, माझ्या एका ट्विटसंबंधी माझ्यावर अटकेची कारवाई झाली, तसेच पोलिसांनी याबाबत नेमकी माहिती दिली नाही, असे जिग्नेश मेवाणी यांचे म्हणणे आहे.
मी खोट्या तक्रारींना घाबरत नाही, आणि मी पुढेही लढणार, अशी प्रतिक्रिया देखील जिग्नेश मेवाणी यांनी दिली. त्यांच्यावर झालेल्या या कारवाईनंतर अनेक काँग्रेस नेते त्यांच्या समर्थनात पुढे आले आहेत. दरम्यान मेवाणीचे वकील परेश वाघेला यांनी एका स्टेटमेंटमध्ये म्हटले आहे की, एका ट्विट प्रकरणी तक्रार नोंदवण्यात आली असून मेवाणी यांना सीआरपीसी 80 चे उल्लंघन केल्याबद्दल अटक करण्यात आली आहे.
काँग्रेस प्रदेशाध्यक्ष जगदीश ठाकोर यांनी जिग्नेशच्या समर्थनार्थ आणि आसाम पोलिसांच्या विरोधात घोषणाबाजी केली. आरएसएसवर ट्विट केल्याबद्दल जिग्नेश यांच्याविरुद्ध तक्रार दाखल करण्यात आली. या तक्रारींना जिग्नेश आणि काँग्रेस घाबरत नाही. आमची कायदेसंबंधी टीम जिग्नेशसाठी लढा देईल आणि त्यांची सुटका करेल, असा विश्वास जगदीश ठाकोर यांनी व्यक्त केला.
हेही वाचा - Today Petrol- Diesel Rates : इंधन दर! पेट्रोल-डिझेल दरात वाढ कायम; वाचा नवे दर
