म्हैसूर ( कर्नाटक ): मुरुगा मठाचे महंत शिवमूर्ती मुरुगा शरनारू Chitradurga Muruga Swamiji यांच्यावर बाल लैंगिक शोषणाचा आणखी एक गुन्हा दाखल करण्यात आला आहे. त्यांच्यावर पॉक्सो कायद्यांतर्गत दाखल झालेला हा दुसरा गुन्हा आहे. 25 ऑगस्ट रोजी पहिला गुन्हा दाखल करण्यात आला होता. त्यांच्यावर म्हैसूरच्या नझराबाद पोलिस ठाण्यात गुन्हा दाखल करण्यात आला होता. Another Pocso case against Chitradurga Muruga Swamiji
चित्रदुर्ग मठ निवासी शाळेच्या स्वयंपाकघर सहाय्यकाने तिच्या दोन अल्पवयीन मुलांवर लैंगिक अत्याचार केल्याचा आरोप करत एफआयआर दाखल केला आहे. या प्रकरणी मुरुगा स्वामींसह ७ जणांवर पॉक्सो कायद्याअंतर्गत गुन्हा दाखल करण्यात आला आहे. शिवमूर्ती यांच्या विरोधात बालकल्याण समितीने म्हैसूरच्या नझराबाद पोलिसांकडे तक्रार दाखल केली आहे. पोलिसांनी दिलेल्या माहितीनुसार, या दोन अल्पवयीन मुली मठ संचलित श्री जगदगुरू मुरुगा शैक्षणिक संस्थेत शिकत होत्या. यादरम्यान आरोपी शिवमूर्ती याने त्या मुलींवर लैंगिक अत्याचार केल्याचा आरोप केला.
पीडित मुलींचे म्हणणे आहे की, त्यांना पुजाऱ्याची सेवा करण्यास सांगितले होते. सेवेदरम्यान त्याने तिच्यावर लैंगिक अत्याचार केले. पीडित मुलीच्या आईने सांगितले की, ती सहा वर्षांपासून मठात स्वयंपाकी म्हणून काम करत होती. अक्का महादेवी या मठात चालवल्या जाणाऱ्या वसतिगृहात राहत होत्या आणि कुटुंबाची शिक्षणाची ऐपत नसल्याने त्यांची मुलगीही तिथेच शिकत होती. पीडित मुलीच्या आईने तिच्या तक्रारीत म्हटले आहे की, कोरोना लॉकडाऊन दरम्यान 2020 मध्ये पहिला लैंगिक अत्याचार झाला. यानंतर अल्पवयीन मुलीवर वारंवार लैंगिक अत्याचार करण्यात आले.
