नवी दिल्ली : भोजपुरी अभिनेत्री आकांक्षा दुबे हिच्या आत्महत्येप्रकरणी उत्तर प्रदेश पोलीस तपास करत आहेत. त्याचवेळी महाराष्ट्रातून तिचा मृतदेह घेण्यासाठी आकांक्षाचे नातेवाईक सोमवारी वाराणसीला पोहोचले आहेत. यादरम्यान तिच्या कुटुंबीयांनी आकांक्षाचा प्रियकर आणि भोजपुरी गायक समर सिंह आणि तिच्या मोठ्या भावावर अनेक गंभीर आरोप केले आहेत. आकांक्षा दुबेची आई मधू दुबे यांनी याप्रकरणी आरोप केला आहे की, 21 मार्च रोजी झालेल्या वादानंतर समर सिंह आणि त्याचे कुटुंबीय तिला सतत त्रास देत होते. त्यातून तीने आत्महत्या केली आहे.
शुटींग संपल्यानंतर तीने आत्महत्या केल्याचे उघड : समर सिंहचा मोठा भाऊ संजय सिंह अनेक दिवसांपासून आकांक्षाला जीवे मारण्याची धमकी देत होता. दरम्यान, रविवारी वाराणसीतील एका हॉटेलमध्ये तीचा मृतदेह आढळून आला. चित्रपटाच्या शूटिंगच्या निमित्ताने आकांक्षा तिथेच थांबली होती. शुटींग संपल्यानंतर तीने आत्महत्या केल्याचे उघड झाले आहे.
पैसे न दिल्याचा आणि छळ केल्याचा आरोप: आकांक्षाची आई मधु दुबे यांनी सांगितले की, भोजपुरी गायक समर सिंह आकांक्षाला सतत अनेक प्रकारे छळत होता. इंडस्ट्रीत फक्त त्याच्यासोबत काम करण्यासाठी तो तिच्यावर दबाव टाकत होता. असे करण्यास नकार दिल्यानंतर समर सिंह आणि त्यांचे कुटुंबीय अभिनेत्रीला सतत त्रास देत होते. नुकतेच आकांक्षाने दुसऱ्या एका स्टारसोबत काम केल्यावर तिची थकबाकी देणेही या लोकांनी बंद केली होती.
पोलीस ठाण्यात एफआयआर : आई मधु दुबे यांनी सांगितले की, 'आम्ही सारनाथमध्ये गायक समर सिंह आणि त्याचा भाऊ संजय सिंह यांच्याविरोधात आमच्या मुलीच्या हत्येचा गुन्हा दाखल केला आहे. माझ्या मुलीने आत्महत्या केली नसल्याचा आरोप त्यांनी केला. समर सिंह आणि संजय सिंह यांनी माझ्या मुलीची हत्या केली आहे. मधु दुबे यांनी विचारले की, हॉटेलमध्ये तिचा मृतदेह ज्या अवस्थेत सापडला त्या अवस्थेत कोणी आत्महत्या करते का? बसून कोणी आत्महत्या कशी करू शकते? यानंतर माझी मुलगी रात्री पार्टीतून आनंदाने येते, मग ती आत्महत्या कशी करू शकते. आम्हाला याबद्दल न्याय हवा आहे असही त्या म्हणाल्या आहेत.
हेही वाचा : Akanksha Suicide Case : भोजपुरी अभिनेत्री आकांक्षा दुबेची आत्महत्या, चाहते म्हणाले- 'ही बातमी खोटी....'
