नवी दिल्ली: शाहदरा जिल्ह्यातील सायबर पोलिसांच्या पथकाने अभिषेक बच्चन, सचिन तेंडुलकर, महेंद्रसिंग धोनी, ऐश्वर्या राय, हिमेश रेशमिया, सुष्मिता सेन यांच्यासह 95 हून अधिक सेलिब्रिटींच्या नावाने फसवणूक करणाऱ्या रॅकेटचा पर्दाफाश केला आहे. या टोळीतील ५ आरोपींना पोलिसांनी अटक केली आहे.
मोबाईल आणि लॅपटॉपसह अनेक वस्तू जप्त: आरोपींकडून 10 मोबाईल, 1 लॅपटॉप, 3 CPU, 34 बनावट पॅन कार्ड, 25 बनावट आधार कार्ड, 40 डेबिट/क्रेडिट कार्ड आणि इतर अनेक कागदपत्रे जप्त करण्यात आली आहेत. ईस्टर्न रेंजच्या जॉइंट सीपी छाया शर्मा यांनी सांगितले की, अटक करण्यात आलेल्या आरोपींची नावे 42 वर्षीय सुनील कुमार, 25 वर्षीय पुनीत, 32 वर्षीय आसिफ, 42 वर्षीय विश्व भास्कर शर्मा 37 वर्षीय अशी आहेत.
सेलिब्रिटींच्या नावाने बनवली जात होती क्रेडिट कार्ड : छाया शर्मा यांनी सांगितले की, या टोळीतील सदस्य सेलिब्रिटींच्या वैयक्तिक माहितीवरून बनावट पॅनकार्ड आणि आधार कार्ड बनवायचे आणि वन कार्ड बँकेतून सेलिब्रिटींच्या नावाने क्रेडिट कार्ड मिळवायचे. त्या क्रेडीट कार्डने शॉपिंग करायचे आणि कॅश ट्रान्सफरही करायचे. वन कार्ड बँकेच्या तक्रारीवरून तपास सुरू झाला असून, आतापर्यंत ५ आरोपींना अटक करण्यात आली आहे. चौकशीत या आरोपींनी आतापर्यंत ९० लाखांहून अधिकची फसवणूक केल्याचे समोर आले आहे.
जीएसटी क्रमांकाच्या आधारे सेलिब्रिटीचा पॅन क्रमांक: डीसीपी रोहित मीणा यांनी सांगितले की, या टोळीतील सदस्य जीएसटी क्रमांकाच्या आधारे सेलिब्रिटीचा पॅन क्रमांक शोधत असत आणि त्यानंतर ते बनावट कार्ड बनवायचे. पॅन कार्ड आणि आधार कार्ड बनवून क्रेडिट कार्ड घ्यायचे. या प्रक्रियेत टोळीतील सदस्यांनी छायाचित्रांचा वापर केला, जेणेकरून पडताळणी सुलभपणे करता येईल आणि बँकेला कोणताही संशय येऊ नये.
आरोपींपैकी एक इंजिनीअर: डीसीपीने पुढे सांगितले की, आरोपी पंकज मिश्रा याने इंजिनीअरिंगचे शिक्षण घेतले आहे, तो या टोळीत तांत्रिक मदतीचे काम करायचा. यासोबतच आरोपी विश्व भास्कर शर्मा हा शासकीय महाविद्यालयात कर्मचारी म्हणून काम करायचा, मात्र नोकरी सोडून या टोळीत सामील होऊन फसवणूक करू लागला. आरोपी आसिफ आणि पुनीत हे आधार कार्ड आणि मनी ट्रान्सफर सेंटर चालवायचे. सुनील कुमार एका कारखान्यात काम करायचा, त्यानंतर त्याने बनावट कागदपत्रे बनवून लोकांची फसवणूक सुरू केली. त्याचबरोबर या टोळीने चायनीज लोन अॅपच्या माध्यमातूनही फसवणूक केली आहे.
