कुल्लू : हिमाचल प्रदेशमध्ये असलेले कौमिक हे गाव जगातील सर्वात उंचीवर असलेले गाव म्हणून ओळखले जाते. या गावामध्ये ४५ वर्षे वयांवरील लोकांचे १०० टक्के लसीकरण करण्यात आले आहे. तसेच, ६० वर्षांवरील लोकांना कोरोना लसीचे दोन्ही डोस देण्यात आले आहेत.
वर्षाचे सहा महिने लाहौल स्पिटी हा जिल्हा बर्फाखाली असतो. या जिल्ह्यामध्ये सध्या १८ ते ४४ वर्षे वय असणाऱ्यांचे लसीकरण सुरू आहे. या वयोगटातील ७७ लोकांना सोमवारी लस देण्यात आली. कॉमिक गावाबाबत बोलायचे झाल्यास, तेथील ४५ वर्षांवरील सर्व व्यक्तींना लसीचा पहिला डोस देण्यात आला आहे. लवकरच त्यांना दुसरा डोसही देण्यात येईल. समुद्रसपाटीपासून तब्बल ४,५८७ मीटर उंचीवर असणाऱ्या या गावातील १०० टक्के लोकांचे लसीकरण पूर्ण झाले आहे. अतिरिक्त जिल्हा दंडाधिकारी ज्ञानसागर नेगी यांनी याबाबत माहिती दिली.
गावोगावी जात लोकांना केले जागरुक..
वर्षाचे सहा महिने बर्फाखाली असलेल्या या जिल्ह्यातील गावांमध्ये पोहोचणे अगदीच अवघड आहे. याठिकाणी तापमान उणे ३० ते ४० डिग्री राहते. अशातही अत्यावश्यक सेवेतील कर्मचाऱ्यांनी गावोगावी जात लोकांमध्ये लसीकरणाबाबत जनजागृती केली. त्यामुळे लोकांनीही लसीकरणाला चांगला प्रतिसाद दिला.
प्रांत वैद्यकीय अधिकारी डॉ. तेंझिन नोरबू यांनी सांगितले, की सध्या आम्ही १८ ते ४४ वयोगटातील लोकांना पहिला डोस देत आहोत. प्रांतामधील सुमारे १० गावांमध्ये इंटरनेट सेवा उपलब्ध नाही. त्यामुळे ऑफलाईन पद्धतीने लॉट्स देऊन मग लाभार्थ्यांचे लसीकरण केले जात आहे.
हेही वाचा : बेवारस कोविड मृतांना माती द्यायला गेला; अन् समोर आला आपल्याच आईचा मृतदेह!
