BJP MLA Suspended : विधानसभेत असभ्य वर्तन केल्याप्रकरणी भाजपचे 10 आमदार निलंबित

कर्नाटक विधानसभेत असभ्य वर्तन केल्याप्रकरणी भाजपच्या 10 आमदारांना निलंबित करण्यात आले आहे. सभापती यूटी कादर यांनी सभागृहात अनादर केल्याबद्दल विधानसभेच्या अधिवेशनातून भाजपच्या 10 आमदारांचे निलंबन आदेश आज दिले. भाजप आमदार अश्वत् नारायण, सुनील कुमार, यशपाल सुवर्णा, आर. अशोक, उमानाथ कोट्यान, अरविंद बेलाड, भरत शेट्टी, वेदव्यास कामथ, धीरज मुनिराजू, आराग ज्ञानेंद्र यांना निलंबित करण्यात आले आहे. 10 BJP MLAS SUSPENDED

बेंगळुरू : कर्नाटक विधानसभेचे अध्यक्ष यूटी कादर यांनी बुधवारी भारतीय जनता पक्षाच्या (BJP) 10 आमदारांना विधानसभेच्या उर्वरित अधिवेशनासाठी निलंबित केले आहे. आमदारांनी सभागृहात असभ्य वर्तन केल्यामुळे त्यांच्यावर निलंबनाची कारवाई करण्यात आली आहे. त्याचवेळी, विरोधी पक्ष भाजप आणि जेडी (एस) यांनी कर्नाटक विधानसभा अध्यक्ष यूटी कादर यांच्याविरोधात अविश्वास प्रस्तावाची नोटीस विधानसभा सचिवांना दिली आहे.

'या' आमदारांवर निलंबनाची कारवाई : विधानसभा अध्यक्षांनी निलंबित केलेल्या भाजपच्या 10 आमदारांमध्ये डॉ. सी. एन. अश्वथ नारायण, व्ही. सुनील कुमार, आर. अशोक, अराग ज्ञानेंद्र (सर्व माजी मंत्री), डी. वेदव्यास कामथ, यशपाल सुवर्णा, धीरज मुनिराज, ए. उमानाथ कोटियन, अरविंद बैलाड, वाय भरत शेट्टी यांचा समावेश आहे. विधानसभेचे अधिवेशन 3 जुलैपासून सुरू झाले असून ते 21 जुलै रोजी संपणार आहे.

विधानसभेच्या उर्वरित सत्रासाठी निलंबित : सभागृहात गदारोळ झाल्यानंतर सभापतींनी ही कारवाई केली. कादर यांनी जेवणाच्या विश्रांतीशिवाय सभागृहाचे कामकाज चालविण्याच्या निर्णयावर नाराज झाल्याने भाजपच्या काही सदस्यांनी विधेयकाच्या प्रती फाडल्या. आमदारांनी प्रती थेट सभापतींच्या व्यासपीठावर फेकल्या. त्यामुळे एकच गदारोळ झाला. आमदारांच्या असभ्य वर्तनामुळे 'मी' 10 आमदारांची नावे घेत असल्याचे सभापती म्हणाले. यानंतर विधी, संसदीय कामकाज मंत्री एच. के. पाटील यांनी आमदारांवर कारवाई करण्यात येईल असे सांगितले. त्यानंतर त्यांनी निलंबनाचा प्रस्ताव मांडला. कर्नाटक विधानसभेच्या नियमावलीच्या कलम ३४८ अन्वये या सदस्यांना त्यांच्या असभ्य वर्तनासाठी विधानसभेच्या उर्वरित सत्रासाठी निलंबित करण्यात आल्याचे पाटील म्हणाले.

• #WATCH | Bengaluru, Karnataka: BJP MLAs create ruckus in the Karnataka Assembly; shouting against State Government's decision to depute IAS officers for an opposition party meeting held in Bengaluru
  
  (Video source: Karnataka Assembly) pic.twitter.com/ABRSTkf6OL

  — ANI (@ANI) July 19, 2023 " class="align-text-top noRightClick twitterSection" data="

  #WATCH | Bengaluru, Karnataka: BJP MLAs create ruckus in the Karnataka Assembly; shouting against State Government's decision to depute IAS officers for an opposition party meeting held in Bengaluru
  
  (Video source: Karnataka Assembly) pic.twitter.com/ABRSTkf6OL

  — ANI (@ANI) July 19, 2023

  ">

  #WATCH | Bengaluru, Karnataka: BJP MLAs create ruckus in the Karnataka Assembly; shouting against State Government's decision to depute IAS officers for an opposition party meeting held in Bengaluru
  
  (Video source: Karnataka Assembly) pic.twitter.com/ABRSTkf6OL

  — ANI (@ANI) July 19, 2023

लोकशाहीची हत्या : कर्नाटक विधानसभेतील भाजपच्या 10 आमदारांच्या निलंबनावर कर्नाटकचे माजी मुख्यमंत्री बोम्मई म्हणाले की, हा लोकशाहीसाठी काळा दिवस आहे. आज लोकशाहीची हत्या झाली आहे. भाजपचे 10 आमदार निलंबित करण्यात आले आहेत. निलंबित आमदारांच्या हक्कासाठी आम्ही लढणार आहोत. यावरून काँग्रेस सरकारची हुकूमशाही दिसून येते, त्यांनी आमच्या 10 आमदारांना विनाकारण निलंबित केले आहे. आम्ही सभापतींच्या विरोधात अविश्वास प्रस्ताव आणला आहे. हा लढा आम्ही जनतेपर्यंत नेऊ असे माजी मुख्यमंत्री बोम्मई म्हणाले.

हेही वाचा - Uddhav Thackeray On Ajit Pawar : अजित दादा तिजोरीच्या चाव्या पुन्हा तुमच्या हातात, जनतेच्या हिताची कामे करा - उद्धव ठाकरे