ബാഹ്യശക്തിയില്ലാതെ വീൽചെയർ നീങ്ങുന്നു; വിചിത്ര വീഡിയോ വൈറലാവുന്നു

പഞ്ചാബ്: സിസിടിവി ക്യാമറ പകര്‍ത്തിയ വിചിത്ര ചിത്രം സോഷ്യല്‍ മീഡിയയില്‍ വൈറലാവുകയാണ്. ചണ്ഡീഗഡിലെ ആശുപത്രി കെട്ടിടത്തിലാണ് സംഭവം. ബാഹ്യശക്തിയില്ലാതെ വീൽചെയർ ദൂരത്തേക്ക് നീങ്ങുന്നത് ഫൂട്ടേജില്‍ കാണാം. സംഭവത്തിന് മുഴുവന്‍ സാക്ഷിയായ സുരക്ഷാ ഉദ്യേഗസ്ഥനും വീഡിയോയിലുണ്ട്. കുറച്ച് വര്‍ഷങ്ങള്‍ക്ക് മുമ്പ് സമാനമായ മറ്റൊരു വീഡിയോയും സോഷ്യല്‍ മീഡിയയില്‍ വൈറലായിരുന്നു. പ്രേത വീല്‍ചെയര്‍ എന്ന അടിക്കുറിപ്പോടെ പ്രചരിക്കുന്ന വീഡിയോയുടെ സത്യാവസ്ഥ ആശുപത്രി ജീവനക്കാര്‍ അന്വേഷിച്ചു വരികയാണ്.