നക്‌സല്‍ ബാധിത മേഖലയിലെ വിദ്യാര്‍ഥികള്‍ക്കൊപ്പം സഞ്ചരിച്ച് കമല്‍ഹാസന്‍

ചെന്നൈ: വെസ്‌റ്റ് ബംഗാളിലെ നക്‌സല്‍ ബാധിത മേഖലയിലെ വിദ്യാര്‍ഥികളുമായി സംവദിച്ച് സിനിമാ താരവും, മക്കള്‍ നീതി മയ്യം പാര്‍ട്ടി നേതാവുമായ കമല്‍ഹാസന്‍. കുട്ടികള്‍ക്കൊപ്പം ചെന്നൈ മെട്രോയില്‍ യാത്ര ചെയ്യാനും കമല്‍ഹാസന്‍ സമയം കണ്ടെത്തി. ബംഗാളിലെ ജംഗിള്‍ മാഗിളില്‍ നിന്നും ചെന്നൈ സന്ദര്‍ശനത്തിനെത്തിയ കുട്ടികളുമായാണ് കമല്‍ഹാസന്‍ സമയം ചിലവഴിച്ചത്. പുറംലോകവുമായി സമയം ചിലവഴിക്കാന്‍ വിരളമായി മാത്രമാണ് ജംഗിള്‍ മാഗിളിലെ കുട്ടികള്‍ക്ക് അവലസരം ലഭിക്കുന്നത്. അതുകൊണ്ടുതന്നെ കുറഞ്ഞ സമയത്തിനുള്ളില്‍ കൂടുതല്‍ സ്ഥലങ്ങള്‍ സന്ദര്‍ശിക്കുകയാണ് സംഘാടകരുടെ ലക്ഷ്യം. വിവിധ എന്‍ജിഒ കളുടെ സഹകരണത്തോടെയാണ് വിദ്യാര്‍ഥികളുടെ യാത്ര പുരോഗമിക്കുന്നത്