ന്യൂഡൽഹി : ആഗോളതലത്തിലും പ്രത്യേകിച്ച് ഇന്ത്യയിലും കഴിഞ്ഞ 10 വർഷത്തിനിടെ യുവാക്കൾക്കിടയിൽ ടൈപ്പ് 2 പ്രമേഹ കേസുകൾ ഗണ്യമായി വർധിച്ചതിന് പിന്നിലെ പ്രധാന കാരണങ്ങൾ ജീവിതശൈലിയിലെ മാറ്റവും വ്യായാമക്കുറവും ജങ്ക് ഫുഡുകളുടെ വർധിച്ച ഉപയോഗവുമാണെന്ന് ഡോക്‌ടർമാർ. എല്ലാ ഇന്ത്യക്കാരിലും പത്തിലൊന്ന് പ്രമേഹ രോഗികളാണെന്നാണ് ഇന്ത്യൻ കൗൺസിൽ ഓഫ് മെഡിക്കൽ റിസർച്ച്-ഇന്ത്യ ഡയബറ്റിസിന്‍റെ (ICMR-INDIAB) പഠനം പറയുന്നത്. രാജ്യത്ത് 101 ദശലക്ഷം പ്രമേഹ രോഗികളും 136 ദശലക്ഷം പ്രീ-ഡയബറ്റിക് ആളുകളും ഉണ്ടെന്നാണ് റിപ്പോര്‍ട്ട് (Junk food and lack of exercise leads to diabetes).
ഹൃദ്രോഗം, വൃക്കകളുടെ തകരാർ, ശരീരത്തിന്‍റെ മറ്റ് പ്രവർത്തനങ്ങൾക്ക് വരുന്ന ഗുരുതരമായ ദീർഘകാല ആരോഗ്യ വെല്ലുവിളികൾ ഈ പ്രവണത ഉയർത്തുന്നു. യുവാക്കളിൽ, ടൈപ്പ് 2 പ്രമേഹത്തിന്‍റെ പ്രധാന ലക്ഷണങ്ങളിൽ ഇടയ്ക്കിടെ മൂത്രമൊഴിക്കൽ, അമിതമായ ശരീരഭാരം, വർധിച്ചുവരുന്ന ദാഹം, അമിതമായ വിശപ്പ് എന്നിവ ഉൾപ്പെടുന്നു. വിട്ടുമാറാത്ത ക്ഷീണം, കാഴ്‌ച മങ്ങൽ, മുറിവ് ഉണങ്ങാന്‍ കാലതാമസം, തുടർച്ചയായുള്ള അണുബാധകൾ തുടങ്ങിയ ലക്ഷണങ്ങൾ രക്തത്തിലെ ഉയർന്ന പഞ്ചസാരയുടെ അളവ് സൂചിപ്പിക്കുന്നവയാണ് എന്ന് വിദഗ്‌ധര്‍ പറയുന്നു (symptoms of diabetes).
ഇത്തരം പ്രശ്‌നങ്ങൾ അനുഭവപ്പെട്ടാൽ ഉടൻ തന്നെ ഒരു ഡോക്‌ടറെ സമീപിക്കണമെന്നും പ്രമേഹവുമായി ബന്ധപ്പെട്ട സങ്കീർണതകൾ ഒഴിവാക്കുന്നതിന് നേരത്തെയുള്ള കണ്ടെത്തലും കരുതലും അത്യാവശയമാണെന്നും സീനിയർ ഡോ. മോഹിത് ശർമ പറയുന്നത്. പലരും ജീവിതത്തിന്‍റെ തിരക്കുകളിൽ രോഗലക്ഷണങ്ങൾ ശ്രദ്ധിക്കാതെ പോകുന്നു. അതുകൊണ്ട് തുടർച്ചയായി നിരീക്ഷണം നടത്തണമെന്നാണ് ഡോക്‌ടർ പറയുന്നത്.
ദിനം പ്രതി പ്രമേഹബാധിതരുടെ എണ്ണം വർധിച്ചുകൊണ്ടിരിക്കുകയാണ്. മുമ്പ്, പ്രായമായവരിൽ മാത്രമേ പ്രമേഹം കണ്ടിരുന്നുള്ളൂ, എന്നാൽ ഇപ്പോൾ യുവാക്കളില്‍ അടക്കം പ്രമേഹ കേസുകൾ വർധിച്ചുകൊണ്ടിരിക്കുകയാണ്. ഗുരുഗ്രാമിലെ സികെ ബിർള ഹോസ്‌പിറ്റലിലെ ഇന്‍റേണൽ മെഡിസിൻ ഡിപ്പാർട്ട്‌മെന്‍റല്‍ ലീഡ് കൺസൾട്ടന്‍റ് ഡോ. തുഷാർ തയാൽ പറഞ്ഞു.
ALSO READ : ഉപ്പ് ഉപയോഗം അധികമോ ?, ടൈപ്പ് 2 പ്രമേഹം കടുക്കും ; പഠനം പുറത്ത്
'ഇപ്പോൾ പ്രമേഹം വരാനുള്ള പ്രധാന ഘടകം നമ്മുടെ ജീവിതശൈലിയാണ്. ജീവിതശൈലിയെ കുറിച്ച് പറഞ്ഞാൽ, വ്യായാമക്കുറവ്, പിന്നെ ജങ്ക് ഫുഡും. ശുദ്ധീകരിച്ച മൈദയും ശുദ്ധീകരിച്ച പഞ്ചസാരയും, ധാരാളം ട്രാൻസ് ഫാറ്റ് അടങ്ങിയ ഭക്ഷണവും കഴിക്കുക' -ഡോക്‌ടര്‍ നല്‍കുന്ന നിര്‍ദേശം ഇതാണ് (expert opinion regarding diabetes).
ടൈപ്പ് 2 പ്രമേഹം ഹൃദയത്തെയും സാരമായി ബാധിക്കുന്നു. ഇത് ഹൃദയാഘാതം, ആൻജീന, പെട്ടെന്നുള്ള കാര്‍ഡിയാക് ഡെത്ത്, ഹൃദയസ്‌തഭനം, സ്ട്രോക്ക്, പെരിഫറൽ ആർട്ടീരിയൽ ഡിസീസ് എന്നിവയ്ക്കുള്ള സാധ്യത വർധിപ്പിക്കുന്നു. ഇത് ഒരു വ്യക്തിയുടെ കിഡ്‌നിയേയും പ്രതികൂലമായി ബാധിക്കുന്നു എന്നതും സങ്കീര്‍ണത വര്‍ധിപ്പിക്കുന്നു.
പ്രായപൂർത്തിയാകാത്ത വ്യക്തികൾ, പ്രത്യേകിച്ച് ചില സന്ദർഭങ്ങളിൽ സ്ത്രീകൾ, ഗർഭകാലത്തെ പ്രമേഹത്തിന്‍റെയും, ആദ്യകാല പ്രമേഹത്തിന് ഇരയാകാനുള്ള ഉയർന്ന ഭീഷണി നേരിടുന്നു. കൂടാതെ, വംശീയമായ ന്യൂനപക്ഷങ്ങൾ, താഴ്ന്ന സാമൂഹിക സാമ്പത്തിക പശ്ചാത്തലങ്ങൾ, നഗര ചുറ്റുപാടുകളുമായുള്ള സമ്പർക്കം എന്നിവയും കാരണങ്ങളിൽ ഉയർന്നതാണെന്ന് ഡോക്‌ടര്‍മാര്‍ വ്യക്തമാക്കുന്നു. അപകടകരമായ സാഹചര്യം ഒഴിവാക്കാന്‍ അച്ചടക്കമുള്ള ജീവിതശൈലി പിന്തുടരണമെന്നാണ് ആരോഗ്യ വിദഗ്‌ധർ നല്‍കുന്ന നിര്‍ദേശം.
'ആഴ്‌ചയിൽ 150 മിനിറ്റ് വ്യായാമം ചെയ്യുക. സൈക്ലിങ്, ജോഗിങ്, ഓട്ടം, നീന്തൽ, വേഗത്തിലുള്ള നടത്തം എന്നിങ്ങനെയുള്ള വ്യായാമങ്ങള്‍ തെരഞ്ഞെടുക്കാം' -ഡോ തയാൽ പറഞ്ഞു.
