വയനാട്: വയനാട്ടിലെ മാനന്തവാടിയിൽ ആദിവാസികളുടെ വീട് നിർമാണത്തിൽ തട്ടിപ്പുനടത്തിയ കരാറുകാർക്കെതിരെ കർശന നടപടിക്കൊരുങ്ങി നഗരസഭ. നഗരസഭയിൽ ഉള്ള വരടിമൂലയിൽ ആദിവാസികളുടെ വീട് നിർമ്മാണത്തിൽ സംഭവിച്ച അപാകതകളെ പറ്റി ഇടിവി ഭാരത് നേരത്തെ റിപ്പോർട്ട് ചെയ്തിരുന്നു.
ആദിവാസി വീട് നിര്‍മ്മാണത്തില്‍ അപാകത; നടപടിക്കൊരുങ്ങി നഗരസഭ മാനന്തവാടി നഗരസഭയിൽ 371വീടുകളാണ് പട്ടികവർഗ്ഗ വകുപ്പ് അനുവദിച്ചിട്ടുള്ളത് .ഇതിൽ 40 വീടുകളുടെ നിർമാണക്കരാർ പട്ടികവർഗ്ഗ സൊസൈറ്റിയാണ് എടുത്തിട്ടുള്ളത് . ബാക്കിയുള്ളവയിൽ പകുതിയോളം വീടുകളുടെ നിർമാണം ഇഴഞ്ഞാണ് നീങ്ങുന്നത്. ഇക്കാര്യം മാനന്തവാടി നഗരസഭ ഭ പരിശോധിച്ചുവരികയാണ്. കഴിഞ്ഞ വർഷങ്ങളിൽ നിർമാണം പൂർത്തിയാക്കിയ വീടുകളുമായി ബന്ധപ്പെട്ട് കരാറുകാർക്ക് എതിരെ പരാതിയുണ്ടെങ്കിൽ കർശന നടപടിയെടുക്കുമെന്ന് മാനന്തവാടി നഗരസഭ അധ്യക്ഷൻ പറഞ്ഞു. തട്ടിപ്പ് നടത്തിയവരുടെ പേര് വിവരങ്ങൾ ശേഖരിക്കുകയാണും അദ്ദേഹം കൂട്ടിച്ചേര്‍ത്തു.
