തൃശൂർ: തന്ത്രിക്ക് കൊവിഡ് സ്ഥിരീകരിച്ചതിനെ തുടർന്ന് തൃശൂർ വടക്കുന്നാഥ ക്ഷേത്രം അടച്ചു. മൂന്ന് ദിവസത്തേക്ക് ക്ഷേത്രത്തിൽ ഭക്തജനങ്ങളെ പ്രവേശിപ്പിക്കില്ല. ഏഴുദിവസം പ്രസാദ വിതരണവും ഉണ്ടായിരിക്കില്ല. ക്ഷേത്രം അണു വിമുക്തമാക്കിയിട്ടുണ്ട്. ഇന്ന് 2416 പേർക്കാണ് തൃശൂരിൽ കൊവിഡ് സ്ഥിരീകരിച്ചത്.
Read More: സംസ്ഥാനത്ത് കൊവിഡ് വ്യാപനം അതിതീവ്രമെന്ന് മുഖ്യമന്ത്രി
ഈ മാസം ഏപ്രിൽ 23ന് ആയിരുന്നു തൃശൂർ പൂരം. കൊവിഡ് വ്യാപനത്തെ തുടർന്ന് പൊതു ജനങ്ങളെ പ്രവേശിപ്പിക്കാതെയാണ് ഇത്തവണ പൂരം നടത്തിയത്. പൂരത്തിനിടെ ആല്‍മരം വീണ് രണ്ട് പേര്‍ മരിച്ചതിനെ തുടർന്ന് വെടിക്കെട്ട് ഉപേക്ഷിക്കുകയും പകൽ പൂര ചടങ്ങുകൾ വെട്ടിക്കുറയ്ക്കുകയും ചെയ്‌തിരുന്നു.
