തൃശ്ശൂര്‍: കൊടുങ്ങല്ലൂരില്‍ നിരോധിത പുകയില ഉല്‍പന്നങ്ങളുമായി രണ്ട് പേര്‍ എക്സൈസിന്‍റെ പിടിയില്‍. കരുനാഗപള്ളി കുലശേഖരപുരം സ്വദേശികളായ രാഹുല്‍, അജ്മല്‍ എന്നിവരാണ് പിടിയിലായത്. പതിനഞ്ച് ലക്ഷം വിലമതിക്കുന്ന പുകയില ഉല്‍പന്നങ്ങള്‍ ഇവരില്‍ നിന്ന് എക്സൈസ് സംഘം കണ്ടെത്തി.
ശനിയാഴ്‌ച പുലര്‍ച്ചെ ഉല്‍പന്നങ്ങള്‍ മംഗലാപുരത്ത് നിന്ന് കരുനാഗപ്പള്ളിയിലേക്ക് കടത്താന്‍ ശ്രമിക്കുന്നതിനിടെ എക്സൈസ് സംഘം നടത്തിയ വാഹന പരിശോധനയിലാണ് ഇരുവരും അറസ്റ്റിലായത്. ഇവരില്‍ നിന്ന് 25000 പാക്കറ്റ് പുകയില പിടിച്ചെടുത്തത്. എക്സൈസ് ക്രൈംബ്രാഞ്ച് അസി.കമ്മിഷണർ ടി.എം മജു, കൊടുങ്ങല്ലൂര്‍ റെയ്ഞ്ച് ഇൻസ്പെക്ടർ ഷാംനാഥ് എന്നിവരുടെ നേതൃത്വത്തിലാണ് പരിശോധന നടത്തിയത്.
പ്രിവന്‍റീവ് ഓഫീസർ മാരായ സാലിഹ്, ഫൈസൽ, സിവിൽ എക്സൈസ് ഓഫീസർമാരായ വി. ബാബു, കെ.എ ബാബു, ജോഷി, ഡ്രൈവർ ഷിജു ജോർജ് എന്നിവരും അന്വേഷണ സംഘത്തിലുണ്ടായിരുന്നു.
also read: വയറ്റില്‍ 40 മയക്കുമരുന്ന് ക്യാപ്‌സ്യൂളുകള്‍ ; സ്‌കാനിങ്ങില്‍ കുടുങ്ങി, യുവതി പിടിയില്‍
