തൃശ്ശൂർ: കഴിഞ്ഞ ദിവസം രാത്രി മാപ്രാണം വര്‍ണ്ണാ തിയ്യേറ്ററിന് സമീപത്ത് താമസിക്കുന്ന വാലത്ത് രാജന്‍ എന്നയാളെ വീട്ടില്‍ കയറി കൊലപ്പെടുത്തിയ സംഭവത്തില്‍ ഒരാളെ പിടികൂടിയെന്ന് പൊലീസ്. തിയേറ്റര്‍ നടത്തിപ്പുക്കാരൻ സജ്ഞയ് രവിയുടെ കൂട്ടുപ്രതി ചേര്‍പ്പ് ഊരകം സ്വദേശി കൊടപ്പുള്ളി വീട്ടില്‍ മണികണ്ഠന്‍ (25) എന്നയാളെയാണ് ഇരിങ്ങാലക്കുട ഡി വൈ എസ് പി ഫേമസ് വര്‍ഗ്ഗിസ് രൂപീകരിച്ച പ്രത്യേക കുറ്റാന്വേഷണ സംഘം കസ്റ്റഡിയില്‍ എടുത്തത്.
മാപ്രാണം കൊലപാതകം: ഒരാൾ പിടിയില്‍
പ്രതിയെ കൂടുതല്‍ വിവരങ്ങള്‍ക്കായി കസ്റ്റഡിയില്‍ ചോദ്യം ചെയ്തു. കേസില്‍ ഉള്‍പ്പെട്ട മറ്റു പ്രതികളുടെ നീക്കങ്ങള്‍ നിരീക്ഷണത്തിലാണെന്നും എല്ലാവരും ഉടന്‍ കസ്റ്റഡിയില്‍ ആകുമെന്നും പൊലീസ് അറിയിച്ചു. പ്രതികള്‍ കൊലപാതകത്തിന് ഉപയോഗിച്ച വടിവാള്‍ സമീപത്തെ പറമ്പില്‍ നിന്നും കണ്ടെടുത്തിരുന്നു.
