തിരുവനന്തപുരം: സംസ്ഥാന വ്യാപകമായി ഇന്ന് മുതൽ വാഹന പരിശോധന ശക്തമാക്കാൻ ഗതാഗത കമ്മിഷണർ എസ് ശ്രീജിത്ത് ഐപിഎസിന്‍റെ നിർദേശം. വടക്കഞ്ചേരിയിൽ ടൂറിസ്റ്റ് ബസും കെഎസ്ആർടിസി ബസും കൂട്ടിയിടിച്ചുണ്ടായ അപകടത്തിൽ വിദ്യാർഥികളടക്കം 9 പേർ മരിച്ച സംഭവത്തിന് പിന്നാലെയാണ് നടപടി. നിയമ ലംഘനം നടത്തുന്ന ബസുകള്‍ ഉള്‍പ്പെടെ എല്ലാ വാഹനങ്ങളും പരിശോധിക്കും.
ജിപിഎസ് ഘടിപ്പിക്കാത്ത വാഹനങ്ങളെ പ്രത്യേകം കണ്ടെത്തും. അന്തർസംസ്ഥാന സർവീസ് നടത്തുന്ന വാഹനങ്ങളും പരിശോധിക്കും. വടക്കഞ്ചേരി അപകടത്തിൽ ഹൈക്കോടതിയുടെ ഇടപടെലിന്‍റെ കൂടി അടിസ്ഥാനത്തിലാണ് നടപടി.
വടക്കഞ്ചേരിയിലെ അപകടത്തിന് പിന്നാലെ വാഹനങ്ങളിലെ നിയമ വിരുദ്ധ പ്രവര്‍ത്തനങ്ങള്‍ തടയുന്നതിൽ മോട്ടോർ വാഹന വകുപ്പിന് വീഴ്‌ച സംഭവിച്ചുവെന്ന് വ്യാപക വിമർശനം ഉയർന്നിരുന്നു. ഇതിന്‍റെ അടിസ്ഥാനത്തിൽകൂടിയാണ് നടപടി.
Also read: പരിശോധന ശക്‌തമാക്കി മോട്ടോർ വാഹന വകുപ്പ് ; കോഴിക്കോട്ട് 18 കേസുകള്‍ രജിസ്റ്റര്‍ ചെയ്‌തു
