തിരുവനന്തപുരം: പാലാരിവട്ടം പാലം അഴിമതിയില്‍ കഴിഞ്ഞ സർക്കാരിനെയും മുൻ മുഖ്യമന്ത്രിയെയും കുറ്റം പറഞ്ഞിട്ട് കാര്യമില്ലെന്ന് പൊതുമരാമത് മന്ത്രി ജി.സുധാകരൻ. എല്ലാ സർക്കാരിനും ഒരേ അവസരമാണ് ലഭിക്കുന്നത്. അത് ജനങ്ങൾക്ക് ബോധിക്കുന്ന തരത്തില്‍ പ്രയോജനപ്പെടുത്തണം. പണി കഴിഞ്ഞ് പൊളിഞ്ഞ് വീഴുന്ന പാലം നിർമിച്ചാല്‍ ജനങ്ങൾ മാപ്പ് തരുമോയെന്നും സുധാകരന്‍ ചോദിച്ചു.
പാലാരിവട്ടം പാലം അഴിമതിയില്‍ മുൻ സർക്കാരിനെ കുറ്റം പറയാനാവില്ല: ജി സുധാകരന്‍
പ്രതികാരപരമായിട്ടല്ല പ്രശ്നം പരിഹരിക്കേണ്ടത്. കഴിഞ്ഞ സർക്കാരിന് കിട്ടിയ അവസരം ശരിയായി പ്രയോജനപ്പെടുത്താത്തതില്‍ ആരാണ് ഉത്തരവാദിയെന്നും സുധാകരൻ ചോദിച്ചു. കാട്ടാക്കട താലൂക്കിലെ നെയ്യാർഡാമിന് കുറുകെയുള്ള പാലം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
