തിരുവനന്തപുരം: ഡിസംബർ 31ന് ആരംഭിക്കുന്ന ശബരിമല മകരവിളക്ക് സീസണിലേക്കുള്ള വെര്‍ച്ച്വല്‍ ക്യൂ ബുക്കിങ് ഇന്ന് മുതൽ ആരംഭിക്കും. വൈകിട്ട് അഞ്ച് മുതലാണ് ബുക്കിങ് ആരംഭിക്കുക. ജനുവരി ഏഴ് വരെയുള്ള തീയതികളിലേക്കാണ് ബുക്കിങ് തുടങ്ങുന്നത്.
ദിവസേന 5000 ഭക്തര്‍ക്കാണ് പ്രവേശനം ഉണ്ടാവുക. വെർച്ച്വല്‍ ക്യൂ ബുക്കിങിന് ശേഷം ശബരിമലയിൽ എത്തുന്ന എല്ലാ ഭക്തരും 48 മണിക്കൂർ മുമ്പ് എടുത്ത കൊവിഡ് നെഗറ്റീവ് സർട്ടിഫിക്കറ്റ് ഹാജരാക്കണം. സ്രവ പരിശോധനയായ ആർ.ടി.പി.സി.ആർ പരിശോധനയാണ് നടത്തേണ്ടത്. കൊവിഡ് നെഗറ്റീവ് സർട്ടിഫിക്കറ്റ് ഇല്ലാത്ത ആരെയും ശബരിമലയിലേക്ക് കടത്തിവിടില്ല. ഭക്തർക്ക് നിലയ്ക്കലിൽ കൊവിഡ് പരിശോധന സൗകര്യം ഉണ്ടാകില്ല.
