പരീക്ഷാക്രമക്കേട്; ആശങ്കയുമായി ഉദ്യോഗാര്‍ഥികള്‍

റാങ്ക് ലിസ്റ്റ് റദ്ദാക്കുന്നത് നിരപരാധികളായ ഉദ്യോഗാർഥികളോടുള്ള അനീതി

തിരുവനന്തപുരം: പി.എസ്.സിയുടെ പരീക്ഷാ നടത്തിപ്പിൽ ആശങ്കയറിയിച്ച് റാങ്ക് ഹോൾഡർമാർ. അതേസമയം റിക്രൂട്ട്മെന്‍റ് നടപടികൾ സുതാര്യമാണെന്ന് ഇവർ ചൂണ്ടിക്കാട്ടി. ക്രമക്കേട് കണ്ടെത്തിയ റാങ്ക് പട്ടികയിലെ മുഴുവൻ ഉദ്യോഗാർഥികളുടെയും വിവരങ്ങൾ പരിശോധിച്ച് കുറ്റക്കാരെ പുറത്താക്കണം. റാങ്ക് ലിസ്റ്റ് റദ്ദാക്കുന്നത് നിരപരാധികളായ ഉദ്യോഗാർഥികളോടുള്ള അനീതിയാണെന്നും ഇവർ പറഞ്ഞു.

അതേസമയം പി.എസ്.സിയുടെ രാഷ്ട്രീയവത്ക്കരണം ഉദ്യോഗാർഥികളുടെ പ്രശ്‌നങ്ങൾ അവതരിപ്പിക്കാൻ തടസമാകുന്നു. നിഷ്പക്ഷമായി ഉദ്യോഗാർഥികളുടെ പ്രശ്‌നങ്ങൾ കേൾക്കാൻ പി.എസ്.സി തയ്യാറാകണമെന്നും റാങ്ക് ഹോൾഡർമാർ ആവശ്യപ്പെട്ടു.നിയമനങ്ങൾ ഒച്ചിഴയുന്ന വേഗത്തിലാണ്. വർഷങ്ങൾ ചെലവിട്ട് സർക്കാർ ജോലിക്കായി പരിശീലനം നടത്തുന്ന യുവാക്കളുടെ ആശങ്ക അകറ്റാൻ സർക്കാർ തയ്യാറാകണമെന്നും റാങ്ക് ഹോൾഡർമാർ ആവശ്യപ്പെട്ടു.